Stjórnarmaður í Íslandsbanka fékk munnlega undanþágu til að kaupa

Engin skrif­leg gögn né jákvætt svar reglu­varðar eru til um beiðni Ara Dan­í­els­sonar, stjórn­ar­manns í Íslands­banka, um und­an­þágu frá banni við þátt­töku í lok­uðu útboði á hlutum íslenska rík­is­ins í Íslands­banka sem fór fram 22. mars í fyrra. Félag í eigu Ara, sem skráð er í Lúx­em­borg, keypti fyrir tæpar 55 millj­ónir króna í útboð­inu, en hann hafði komið inn í stjórn Íslands­banka nokkrum dögum áður en útboðið fór fram. 

Í sátt­ar­skýrslu Fjár­mála­eft­ir­lits­ins Seðla­banka Íslands, sem birt var í dag og útlistar lög­brot bank­ans við sölu á hlutum í sjálfum sér, kemur fram að Ari hafi fengið und­an­þág­una munn­lega á fræðslu­fundi sem hald­inn var fyrir nýja stjórn­ar­menn, eftir að yfir­lög­fræð­ingur Íslands­banka kom inn á fund­inn og til­kynnti um að útboðið væri hafið. Und­an­þágan hafi svo verið stað­fest skrif­lega af reglu­verði, í tölvu­póst­sam­skiptum að morgni næsta dags. Hún var hins vegar ekki skráð fyrr en tveimur dögum síðar, eftir að útboðið var um garð gengið. 

Þar segir orð­rétt: „Þegar útboðið hófst kl. 16:11 hafi staðið yfir fræðsla reglu­varðar fyrir nýja stjórn­ar­menn. Á fræðslu­fund­inum voru reglu­vörður, stjórn­ar­for­maður, umræddur stjórn­ar­maður og vara­maður í stjórn. Yfir­lög­fræð­ingur máls­að­ila kom inn á fræðslu­fund­inn til að upp­lýsa um að útboðið væri hafið. Varpaði umræddur stjórn­ar­maður m.a. fram þeirri spurn­ingu hvort hann mætti sem stjórn­ar­maður taka þátt í útboð­inu þó svo að lokað tíma­bil stæði yfir hjá máls­að­ila.“

Reglu­vörður hafi metið það sem svo að þar sem engar inn­herj­a­upp­lýs­ingar hefðu legið fyrir á þessum tíma væri hægt að beita und­an­þágu­á­kvæði 5. kafla regln­anna enda slíkt ekki í ósam­ræmi við lög og reglur. „Reglu­gerð ESB nr. 596/2014 um mark­aðs­svik (MAR) kveður ein­ungis á um að við­skipti stjórn­enda með bréf í útgef­and­anum séu óheimil í 30 daga fyrir birt­ingu upp­gjörs, sbr. 11. tölul. 19. gr. reglu­gerð­ar­innar. Með vísan til þessa fékk stjórn­ar­mað­ur­inn skýrt og afdrátt­ar­laust svar reglu­varðar þess efnis að honum væri heim­ilt að taka þátt í útboð­inu og að frek­ari aðgerða væri ekki þörf.“

Forsendur til að taka ákvörðunina ekki til staðar

Í sátt­ar­skýrsl­unni segir að Fjár­mála­eft­ir­lit­inu hafi ekki borist gögn sem stað­festa að send hafi verið skrif­leg beiðni um und­an­þágu frá regl­unum, þrátt fyrir beiðni þar um. „Ekki verður litið á umrætt sam­tal sem veitta und­an­þágu, enda gera reglur máls­að­ila ráð fyrir að beiðnir um und­an­þágu ber­ist skrif­lega. [...] For­sendur til að taka ákvörðun um hvort starfs­mönnum væri heim­ilt að taka þátt í útboð­inu á grund­velli reglna máls­að­ila um ráð­staf­anir gegn hags­muna­á­rekstrum voru ekki til staðar vegna skorts á grein­ingu hags­muna­á­rekstra.“

Íslands­banki við­ur­kenndi í andsvörum sínum til eft­ir­lits­ins að það hefði verið í betra sam­ræmi við þær form­kröfur sem gerðar eru í áður­nefndum reglum að skrá atburða­rás­ina skrif­lega.

Ari er fyrr­ver­andi starfs­maður Glitnis banka og og fram­kvæmda­stjóri eigna­stýr­inga­fyr­ir­tæk­is­ins Reviva Capital SA. Ari situr einnig í áhættu- og end­ur­skoð­un­ar­nefnd Íslands­banka. Ari sett­ist fyrst í stjórn Íslands­banka um það leyti sem útboðið fór fram og var eins, og áður segir staddur á fræðslu­fundi fyrir nýja stjórn­ar­menn, ásamt reglu­verði bank­ans, þegar útboðið fór fram.