Það er greinilega mjög geðhreinsandi að spá í morð, blóðsúthellingar og annað ógeð. Mér fannst það alveg augljóst á glæpasagnahátíðinni Iceland Noir í síðustu viku. Öll sem ég hitti þar voru svo hlý og notaleg. Það er langt síðan ég hef verið knúsuð jafn mikið og þessa daga sem hátíðin var í gangi.
Þetta er reyndar orðið miklu stærri hátíð en bara glæpasagnahátíð. Bernadine Evaristo, sem skrifaði Stúlka, kona, annað, mætti til dæmis í ár. Líka breski barnabókahöfundurinn David Walliams og hann fyllti Smáralind og fleiri staði af bókaþyrstum börnum sem biðu sum í meira en tvær klukkustundir til að fá hjá honum áritun. Það finnst mér fallegt.
Ég mætti upp í höfuðstöðvar Arion banka til að hlusta á hann. Ég hef aldrei áður farið á bókmenntaviðburð í banka. Þau ætti að halda fleiri svona. Það voru svo þægileg …
Athugasemdir