Una – útgáfu­hús gefur út ljóða­kver Natöshu S., Máltöku á stríðs­tímum, sem skáldið hlaut verð­laun fyrir á dög­unum – Bók­mennta­verð­laun Tómasar Guð­munds­sonar. Er það hennar fyrsta ljóða­bók, ort á íslensku en hún hefur dvalið hér um ára­bil og sinnt rit­störfum. Er við­ur­kenn­ingin sann­ar­lega verð­skulduð. Ljóðin vinnur rúss­neska skáld­konan fyrir íslenska les­endur og tekur sér um leið sæti á skálda­bekk ljóða­þjóð­ar­innar. Mér varð hugsað til Nordahl Grieg sem dvaldi hér um tíð stríðs­árin og fórst yfir Berlín í des­em­ber 1943. Hér orti hann Friheten og hér var hún gefin út fyrst. Enn loga stríðseldar í Evrópu. Fleiri erlend skáld koma í hug­ann sem hafa dvalið hér lengur og skemur, en engin dæmi þekki ég um skáld sem hefur brot­ist inn í mál­heim skáld­skap­ar­ins á íslensku.

Máltöku er skipt í und­ir­kafla: að tala, að skrifa, að hlusta, að skilja og er sá síð­asti sex auðar síður. Öll ljóðin leiða að þeirri nið­ur­stöðu …