Fyrri aukaspurning:

Skjáskot úr hvaða kvikmynd má sjá hér að ofan? Aldrei þessu vant þarf svarið EKKI að vera hárnákvæmt.

***

Aðalspurningar:

1.  Hvaða persóna er frægust fyrir að baða sig bókstaflega í peningum?

2.  Hvaða sjúkdómur herjaði verstur á Íslandi 1918?  

3.  Svokölluð utanþingsstjórn hefur einu sinni setið á fullveldistímanum frá 1918. Þá er ríkisstjórnin, eins og nafnið bendir til, skipuð fólki sem ekki á sæti á Alþingi. Hver skipaði þessa utanþingsstjórn — mjög í óþökk helstu stjórnmálaleiðtoga?

4.  Hún sat í tvö ár en hvernær var hún skipuð? Hér má muna tveim árum til eða frá!

5.  Pétur Guðmundsson var afreksmaður í ákveðinni íþrótt og 1981 náði hann merkum áfanga fyrstur Íslendinga þegar hann komst í ákveðna mjög eftirsótta keppni í sinni grein. Hvaða íþrótt stundaði Pétur?

6.  Í hvaða landi er borgin Zürich?

7.  Í hvaða landi starfaði byltingarmaðurinn Lev Trotskí?

8.  En í hvaða landi dó hann? 

9.  The White Lotus er vinsæl sjónvarpssería sem fjallar um ríkt fólk í fríi á ákveðnum stað og margvíslegar uppákomur þar. Á hvaða stað gerist fyrsta sería The White Lotus?

10.  Johann Friedrich Struensee hét þýskur læknir sem skaust fram í sviðsljósið í Danmörku í fáein ár á ofanverðri 18. öld. Hvers vegna?

***

Seinni aukaspurning:

Hvað heitir dýrið á myndinni?

***

Svör við aðalspurningum:

1.  Jóakim Aðalönd.

2.  Spænska veikin.

3.  Sveinn Björnsson.

4.  1942 — svo hér telst rétt 1940-1944.

5.  Körfubolta.

6.  Sviss.

7.  Rússlandi, Sovétríkjunum — hvorttveggja er rétt.

8.  Mexíkó.

9.  Havaí-eyjum.

10.  Hann varð ástmaður drottningar og fór með eiginleg völd í landinu í veikindum konungs. 

***

Svör við aukaspurningum:

Á efri myndinni er skjáskot úr Rocky IV, en Rocky dugar.

Dolph Lundgren og Sylvester Stallone í hlutverkum sínum sem boxarar í Rocky IV.

Á neðri myndinni er steinbítur. Myndin er af sjavarlif.is.