Fyrri aukaspurning:

Í dag, 1. mars 2022, heldur þessi karl upp á 95 ára afmælið sitt. Hvað heitir hann?

***

Aðalspurningar:

1.  Mars hét einn af guðum Rómverja. Hann var hvernig guð?

2.  Fyrsti Íslendingurinn sem skírður var Mars fæddist árið 1834. Faðir hans var útlenskur stýrimaður sem hér hafði viðdvöl og vera kann að nafnið hafi verið afbökun úr nafni stýrimannsins. Hvað hét stýrimaðurinn?

3.  Í mars 1991 börðu lögreglumenn í Los Angeles svartan leigubílstjóra mjög harkalega eftir að hafa handtekið hann. Vídeóupptökur af barsmíðunum vöktu mikla reiði og tugir manna féllu í gríðarlegum óeirðum eftir að lögreglumennirnir voru sýknaðir í réttarhöldum. Hvað hét leigubílstjórinn?

4.  Í hvaða landi heitir höfuðborgin Minsk?

5.  Þar sem Hvítá og Sogið falla saman heitir síðan ...?

6.  Hverrar þjóðar er söngkonan Billie Eilish?

7.  Inn í hvaða land réðust Bandaríkin haustið 2001?

8.  Hver var yfirlýstur tilgangur innrásarinnar?

9.  Söngvari hinnar vinsælu rokkhljómsveitar The Who heldur upp á 78 ára afmælið sitt í dag. Hvað heitir hann?

10.  Þann 1. mars 1998 varð kvikmynd nokkur sú fyrsta í heiminum sem halaði inn milljarð dollara í miðasölu um víða veröld. Hvaða vinsæla kvikmynd var þetta?

***

Seinni aukaspurning:

Í mars 1936 var þessi kunna vatnsaflsvirkjun tekin í notkun. Hvað nefnist hún?

***

Svör við aðalspurningum:

1.  Stríðsguð.

2.  Mads.

3.  Rodney King.

4.  Hvíta-Rússlandi, Belarús.

5. Ölfusá.

6.  Hún er bandarísk.

7.  Afganistan.

8.  Að handsama Usama bin-Laden og bæla niður starfsemi Al Kaída í landinu.

9.  Daltrey.

10.  Titanic.

***

Svör við aukaspurningum:

Á efri myndinni er söngvarinn Harry Belafonte.

Á neðri myndinni er Hoover-virkjunin í Bandaríkjunum.