Fyrri aukaspurning:
Hver er sá ábúðarmikli rithöfundur á myndinni hér að ofan?
***
Aðalspurningar:
1. Á morgun væri hlaupársdagur ef svo bæri undir. En hvenær verður næsti hlaupársdagur?
2. Á hlaupársdegi fyrir um aldarfjórðungi lauk lengsta hernaðarumsátri um nútímaborg sem sagan kann frá að greina. Það stóð í nærri fjögur ár samfleytt eða í 1.425 daga. Hvað heitir sú evrópska borg sem svo lengi var setið um?
3. Brynja Hjálmsdóttir fékk á dögunum bókmenntaverðlaun fyrir ljóð sitt „Þegar dagar aldrei dagar aldrei“. Hvað nefnast verðlaunin sem hún fékk?
4. Gunnar Þorri Pétursson fékk aftur á móti þýðingarverðlaunin um daginn fyrir þýðingu sína á bókinni Tjernobyl-bænin, þar sem Nóbelshöfundur nokkur ræðir við fólk sem lenti í hamförunum í Tjernobyl. Hvað heitir þessi höfundur?
5. Faðir Gunnars Þorra er rithöfundur og fyrsta skáldsaga hans var ein vinsælasta íslenska bókin á sjöunni — það er að segja áttunda áratugnum. Hvað heitir sú bók?
6. „Rumble in the Jungle“ var nefndur boxbardagi sem fram fór í því ríki sem þá nendist Saír árið 1974. Hvaða tveir boxarar börðust þar?
7. En hvað heitir ríkið Saír núna?
8. Árið 1872 lést áttræður Bandaríkjamaður sem hafði fundið upp ýmislegt um dagana, þar á meðal nýtt stafróf. Stafrófið hans var mjög mikið notað langt fram á 20. öld en tölvutækni og þess háttar gerði það að lokum óþarft. Hvað skyldi þetta stafróf hafa verið kallað.
9. Óskarsverðlaunin verða afhent eftir rúmar þrjár vikur. Ein kvikmynd er tilnefnd til fleiri verðlauna en aðrar, eða tólf. Hvað heitir hún?
10. Um hvaða land fellur áin Don?
***
Seinni aukaspurning:
Hvaða fána má sjá hér að neðan?
***
Svör við aðalspurningum:
1. 2024.
2. Sarajevo.
3. Ljóðstafur Jóns úr Vör.
4. Svetlana Alexievich. Hvort heldur nafnið nægir.
5. Punktur punktur komma strik.
6. Muhammed Ali og Foreman.
7. Kongó. Það eru raunar til tvö Kongó-ríki og greint er á milli með því að kalla þau annars vegar lýðveldi og hins vegar alþýðulýðveldi en Kongó er hið eiginlega nafn og dugar því hér.
8. Morse.
9. The Power of the Dog.
10. Rússland.
***
Svör við aukaspurningum:
Rithöfundurinn er Tolstoj hinn rússneski.
Fáninn er sá kínverski.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir