Arturas Leimontas var rétt í þessu dæmdur í sextán ára fang­elsi fyrir mann­dráp. Dómurinn var kveð­inn upp í Hér­aðs­dómi Reykja­víkur. 

Arturas var dæmdur fyrir að hafa hrint öðrum manni fram af svölum í Úlf­árs­dal í des­em­ber 2019 með þeim afleið­ingum að mað­ur­inn lést. 

Þegar lög­regla kom á vett­vang þann 8. des­em­ber árið 2019 lá brota­þoli stórslas­aður og með­vit­und­ar­laus fyrir neðan sval­irnar sem honum hafði verið hrint af. Þá var hann fluttur á sjúkra­hús en skömmu síðar úrskurð­aður lát­inn. 

Lög­reglu­menn fóru þá inn í húsið og hittu þar Arturas sem var mjög ölv­aður og með nýlega áverka. Skömmu eftir það brutu lög­reglu­menn sér leið inn í íbúð hans og hand­tóku þar fjóra aðila ásamt honum. 

Við skýrslu­töku hafði komið fram að mikil ólæti og rifr­ildi höfðu heyrst frá íbúð­inni skömmu áður en brota­þoli féll niður af svöl­unum. Arturas og brot­ar­þoli höfðu þá verið að ríf­ast inn í íbúð­inni þar sem Arturas hafði löðr­ungað brota­þola áður en þeir færðu rifr­ildið út á svalir. 

Skömmu síðar heyrðu vitni öskur og skell og eitt vitn­anna sá Arturas standa einan eftir á svöl­unum. 

Réttarmeinarfræðingur taldi slys ólíklegt

Við rann­sókn máls­ins svið­setti lög­regla vett­vang­inn að við­staddri lög­reglu, pró­fessor í véla­verk­fræði, rétta­mein­ar­fræð­ingi og verj­anda kærða. Átta sinnum létu þeir brúðu í líki manns­ins sem lést falla með ýmsum aðferðum úr sömu hæð og yfir jafn hátt hand­rið og sval­irnar á umræddri íbúð til þess að leiða í ljós hvort að mað­ur­inn hefði getað dottið niður sval­irnar.

Nið­ur­stöður rétta­meina­fræð­ings leiddu í ljós að ólík­legt hafi verið að um slys hafi verið að ræða. Annað hvort hafi mað­ur­inn hoppað fram af svöl­unum eða annar aðili hefði komið að máli.