Jóhannes meðhöndlari dæmdur fyrir fjórar nauðganir

Jóhannes Tryggvi Svein­björns­son, með­höndl­ari við stoð­kerf­is­vanda, var dæmdur í fimm ára fang­elsi í dag fyrir að hafa nauðgað fjórum konum sem leit­uðu með­ferðar hjá honum á árunum 2009 til 2015. Dómur þess efnis var kveð­inn upp í Hér­aðs­dómi Reykja­ness.

Stundin fjall­aði ítar­lega um Jóhannes Tryggva, kærur og ásak­anir um nauðg­anir og kyn­ferð­is­brot á hendur honum í sumar. Fimmtán konur kærðu Jóhannes til lög­reglu, ein dró kæruna til baka en tíu mál voru látin niður falla. Í umfjöllun Stund­ar­innar stigu fram þrjár konur sem lýstu brotum Jóhann­esar á hendur sér. Mál þeirra allra voru látin niður falla og eru ekki meðal þeirra sem hann er dæmdur fyrir nú.

Flestar höfðu kon­urnar fimmtán svip­aða sögu að segja af brotum Jóhann­esar á hendur þeim, þær hefðu leitað til hans vegna stoð­kerf­is­vanda­mála en hann hefði við með­ferð þeirra brotið gegn þeim með því að snerta kyn­færi þeirra og í flestum til­fellum farið með fingur inn í leggöng þeirra eða enda­þarm. Ein kona, sem Stundin ræddi við í sumar, kærði Jóhannes hins vegar fyrir ítrekuð kyn­ferð­is­brot og nauðgun þegar hún var á ung­lings­aldri, meðal ann­ars í félags­skap við aðra menn. Þá var mál vin­konu þeirrar konu, sem kærði Jóhannes fyrir nauðgun árið 2005, tekið til rann­sóknar að nýju einnig. Mál þeirra voru látin niður falla.

Í ákær­unum sem sak­sókn­ari gaf út á hendur Jóhann­esi og hann hefur nú verið dæmdur fyrir voru brotin öll á svip­aða leið. Var Jóhannes ákærður fyrir nauðgun í mál­unum fjórum með því að hafa haft önnur kyn­ferð­is­mök en sam­ræði við kon­urnar án þeirra sam­þykkis.