Stundin mun á næstu vikum senda út menn­ing­ar­við­burði í sam­starfi við Menn­ing­ar­húsin í Kópavogi. Við­burð­irnir verða haldnir klukkan 13 á mánu­dögum, mið­viku­dögum og föstu­dögum á meðan sam­komu­banni stendur vegna COVID-19 heims­far­ald­urs­ins. Hægt verður að sjá við­burð­ina á for­síðu Stund­ar­innar, á Facebook-síðu Stund­ar­innar og Facebook-síðu Menn­ing­ar­hús­anna í Kópavogi.

Meðal þeirra sem koma fram í við­burða­röð­inni eru Sævar Helgi Bragason stjörnu­fræð­ingur, Gerður Kristný skáld,  Jógvan, Matti Matt, Vignir Snær, Ragna Fróða­dóttir, Andri Snær Magnason rit­höf­undur, Sig­ur­björn Bern­harðs­son, Halla Oddný, Þor­grímur Þrá­ins­son, Elín Björk Jón­as­dóttir, Einar Falur, Kordo kvar­tett­inn og Hrönn Egils­dóttir.

Í þess­ari útsend­ingu spjallar Halla Oddný Magn­ús­dóttir við Sig­ur­björn Bern­harðs­son fiðlu­leik­ara, sem er búsettur í Oberlin í Ohio í Banda­ríkj­unum þar sem hann er pró­fessor við hinn virta tón­list­ar­há­skóla Oberlin Conservatory. Útsend­ingin hefst klukkan 13. Streymi af við­burð­inum verður birt í þess­ari frétt og á fyrr­greindum Facebook-síðum ásamt for­síðu Stund­ar­innar. Þá verður upp­taka til­tæk á sömu stöðum í kjöl­farið.

Eft­ir­far­andi er til­kynn­ing frá menn­ing­ar­hús­unum í Kópavogi um við­burð­inn:

Sig­ur­björn Bern­harðs­son fiðlu­leik­ari spjallar við Höllu Oddnýju Magn­ús­dóttur en Sig­ur­björn er búsettur í Oberlin í Ohio í Banda­ríkj­unum þar sem hann er pró­fessor við hinn virta tón­list­ar­há­skóla Oberlin Conservatory. Mjög strangt sam­komu­bann er í Ohio en Sig­ur­björn er hins­vegar langt frá því að vera iðju­laus en hann kennir nem­endum sínum í gegnum netið frá heim­ili sínu.  Nemendur hans koma frá öllum heims­hornum og hafa nú snúið til síns heima þar til Covid-19 ástand­inu lýkur. Sig­ur­björn, Sally Takada konan hans og börnin þeirra tvö eru öll “heima­vinn­andi” og því í nógu að snú­ast.

Auk spjalls um líf og starf Sig­ur­björns mun hann spila hluta af Tzigane eftir Ravel, þó án und­ir­leiks sökum sam­komu­banns, en Tzigane er meðal þeirra verka sem Sig­ur­björn og Anna Guðný Guð­munds­dóttir píanó­leik­ari ætl­uðu að flytja á Tíbrár­tón­leikum 17. mars síð­ast­lið­inn. Auk þess spilar Sig­ur­björn ein­leiks­verk eftir frænda sinn, Þorkel Sig­ur­björns­son.

Um Sig­ur­björn:

Sig­ur­björn Bern­harðs­son hóf fiðlu­nám 6 ára gam­all hjá Gígju Jóhanns­dóttur í Tón­mennta­skóla Reykja­víkur. Árið 2017 hóf hann starf sem Pró­fessor í fiðlu­leik í Oberlin Conservatory. Fram að því var hann með­limur í Pacifica Strengja­kvar­tett­inum og spil­aði um 90 tón­leika árlega í mörgum af helstu tón­leika­sölum heims m.a Wigmore Hall, Wien Konzerthaus, Concertgebouw í Amster­dam, Alice Tully Hall, Carnegie Hall í New York og Suntory Hall í Tókýó. Sig­ur­björn hefur komið fram á mörgum af helstu  tón­list­ar­há­tíðum heims m.a Edin­borgar hátíð­inni, Ravinia, Aspen Music festi­val og Music@menlo. Sig­ur­björn hefur hlotið ýmsar við­ur­kenn­ingar á ferli sínum, og með Pacifica Kvar­tettnum, þ.á.m. Grammy verð­launin, Musical America Ensemble of the Year og The Avery Fisher Career styrk­inn.

Hann hefur unn­nið og tekið upp með lista­fólki  eins og Yo Yo Ma, Lynn Harell, Menahem Pressler, Leon Fleicher, Jörg Widman, Emerson kvar­tett­inum og með­limum í Guarneri og Cleveland String Quartet.

Sig­ur­björn hefur starfað sem Pró­fessor í fiðlu og kamm­er­tónlíst við The Jacobs School of music at Indiana Uni­versity, Uni­versity of Illinois og verið Artis in Residence við Uni­versity of Chicato.

Sig­ur­björn heldur reglu­lega ein­leiks­tón­leika og kammer tón­leika ásamt því að halda Master klassa í Banda­ríkj­unum, Asíu Evrópu og á Íslandi. Hann lærði hjá Guðnýju Guð­munds­dóttur, Roland og Almitu Vamos, Matias Tacke og Shmuel Ash­kenasi.