Hvað fær fólk til að velja einn áfangastað umfram annan? Oft er það vegna þeirrar afþreyingar sem viðkomandi staður hefur upp á að bjóða eða að þar séu náttúruundur eða byggingar sem gaman gæti verið að sjá. Ef Íslendingur, sem hyggur á ferðalag, er spurður þessarar spurningar er ekki ólíklegt að hlýtt veðurfar spili stórt hlutverk. Verslunarmöguleikar gætu líka haft nokkur áhrif.

En svo eru til öðruvísi áfangastaðir. Þeir sem fullyrða (ef þeir gætu talað): „Ég er nóg“, svo vitnað sé í vinsæla setningu frá síðasta ári. Einn þessara staða er Sommerøy í Norður-Noregi, 400 íbúa fiskiþorp skammt frá Tromsø, norðan við 69. breiddargráðu. Staður flestum ólíkur, eins og Halldór Gíslason, sem ber hið fágæta starfsheiti markaðssendiherra eða Markeds ambassadør á Hotel Sommerøy, yrði líklega fyrstur til að samþykkja.

Þar býður hann asískum auðmönnum í snjóboltastríð langt fyrir norðan heimskautsbaug og selur ferðafólki norðurljósin. Fjöldi þeirra ferðamanna sem þangað koma …