Nýr Finnur ráðinn forstjóri Haga

Finnur Oddsson, sem síð­ustu sjö ár hefur verið for­stjóri Origo, tekur við sem for­stjóri smá­söluris­ans Haga af Finni Árnasyni. Greint var frá þess­ari ákvörðun í til­kynn­ingu til Kaup­hallar Íslands í kvöld. Finnur Oddsson er með dokt­ors­próf í atferl­is­fræði frá West Virginia Uni­versity og lauk AMP námið frá IESE í Barcelona. Hann var á árum áður fram­kvæmda­stjóri Við­skipta­ráðs Íslands.

Finnur segir í til­kynn­ing­unni að tvennt móti sér­stak­lega umhverfi smá­sölu á okkar tímum, ann­ars vegar hraðar breyt­ingar á hegðun neyt­enda og hins­vegar tækni. „Hvoru tveggja eru sér­stök áhuga­svið hjá mér. Það eru því for­rétt­indi að fá, í sam­starfi við fram­úr­skar­andi hóp starfs­fólks hjá Högum, að móta starf­semi og fram­tíð þessa sögu­fræga for­ystu­fyr­ir­tækis i smá­sölu á Íslandi. Staða Haga er ein­stak­lega góð og það eru spenn­andi tæki­færi framundan.“

[adspot]Erna Gísla­dóttir, stjórn­ar­for­maður Haga, segir á sama stað að um allan heim séu að eiga sér stað nýir tímar í verslun þar sem sam­fé­lags­legir þættir og tækni­fram­farir krefj­ist frum­kvæðis og nýrrar nálg­unar í verslun og við­skiptum. „Við erum sér­lega ánægð að hafa fengið Finn Oddsson til liðs við öfl­ugt teymi hjá Högum og teljum að reynsla hans af stefnu­mótun og rekstri í tækni­geir­anum s.l. ár muni nýt­ast félag­inu vel á þeim áhuga­verðu tímum sem framundan eru.“

Greint var frá því 30. apríl síð­ast­lið­inn að Finnur Árna­son, sem hefur verið for­stjóri smá­söluris­ans Haga frá árinu 2005, hefði óskað eftir því að láta af störf­um. Á sama tíma var sagt frá því að Guð­mundur Mart­eins­son, sem verið hefur fram­kvæmda­stjóri Bónus sem er í eigu Haga um ára­bil, einnig óskað eftir því að hætta. Þeir tveir hafa verið lyk­il­menn í þeim mikla vexti sem Hagar hafa gengið í gegnum á þess­ari öld og hófu báðir störf þar fyrir ald­ar­mót.

Í fjöl­miðlum und­an­farna daga hefur verið greint frá því að starfs­lok þeirra muni kosta Haga um 300 millj­ónir króna.

Hagar reka 46 versl­anir innan fimm smá­sölu­fyr­ir­tækja og tveggja vöru­húsa. Þá rekur félagið 28 Olís­stöðvar um land allt auk 41 ÓB-­stöð. Meg­in­starf­semi Haga er á sviði mat­vöru en innan þess eru tvær af stærstu versl­un­ar­keðjum lands­ins, Bónus og Hag­kaup, svo og stoðstarf­semi á sviði inn­kaupa og dreif­ing­ar.