Innan Vinstri grænna eru háværar raddir um að rétt sé að flokkurinn segi sig úr samráðsnefnd um losun fjármagnshafta. Ástæðan er það samráðsleysi um málið sem stjórnarandstaðan hefur gagnrýnt mikið. Þetta kemur fram í Fréttablaðinu í dag.
Katrín Jakobsdóttir, formaður Vinstri grænna, spurði Bjarna Benediktsson, fjármála- og efnahagsmálaráðherra, á Alþingi í gær um grein fjögurra InDefence manna í Kjarnanum, þar sem þeir viðruðu hugmyndir um 60 prósenta útgönguskatt á kröfuhafa sem vilja fara með eignir sínar frá Íslandi.
Katrín spurði Bjarna einnig um afstöðu hans til þess að áætlun um losun hafta sé leynileg, eins og Sigmundur Davíð Gunnlaugsson forsætisráðherra sagði síðast á mánudag að væri nauðsynlegt. Katrín spurði hvort það væri ekki einmitt mikilvægt að almenningur í landinu sé upplýstur um losun hafta, vegna þess að málið geti haft mjög mikil áhrif á almenning.
[caption id="attachment_20480" align="alignnone" width="735"] Bjarni Benediktsson, fjármála- og efnahagsráðherra, þvertekur fyrir að ákvörðun hafi verið tekin um að leggja á útgönguskatt.[/caption]
Þvertekur fyrir ákvörun um útgönguskatt
Bjarni þvertók fyrir að ákvörðun hafi verið tekin um álagningu útgönguskatts til að stíga skref í átt að losun fjármagnshafta. "Varðandi útgönguskattinn hef ég margoft tekið fram að ekki hefur verið tekin ákvörðun um útgönguskatt og þaðan af síður hef ég boðað einhverja tiltekna prósentu sem menn eru farnir að vísa til."
Í Fréttablaðinu í dag er sagt að innan fjármálageirans undrist menn hvað tefji ákvarðanir um losun hafta, en skilyrði til þess eru talin góð. Heimildum Fréttablaðsins ber ekki saman. Sumar fullyrða að fallið hafi verið frá útgönguskatti, en aðrar að verið sé að vinna úr tillögum, en flækjustigið sé hátt. Vandamálið liggi fyrst og fremst í því að erfitt sé að setja skatt sem aðeins tekur til fjármagns úr þrotabúum föllnu bankanna. Hann yrði einnig að ná yfir allt annað útstreymi fjármagns. Það mundi hafa áhrif á fjárfestingar aðila eins og lífeyrissjóðanna og jafnvel erlendar skuldir fyrirtækja.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir