Sagði sjö sinnum það sama og var stöðvaður af þáttastjórnanda: „Þú verður að vera með fleiri línur, þetta gengur ekki“

Ásmundur Einar Daðason, þing­flokks­for­maður Fram­sókn­ar­flokks­ins, end­ur­tók sömu full­yrð­ing­una sex sinnum í Viku­lok­unum á Rás 1, en loks bað þátta­stjórn­andi hann um að hætta.

Ásmundur Einar Daðason, þing­flokks­for­maður Fram­sókn­ar­flokks­ins, sagði sömu setn­ing­una alls 7 sinnum í umræðum um Wintris-málið svo­nefnda í Viku­lok­unum á Rás 1 í morgun. Að lokum stöðv­aði þátta­stjórn­andi hann og sagði: „Þetta er í þriðja skiptið sem þú segir þetta. Þú verður að vera með fleiri línur, þetta gengur ekki.“

Aðeins smá­vægi­legar orða­lags­breyt­ingar mátti greina í máli þing­flokks­for­manns­ins þegar hann end­ur­tók sex sinnum þá full­yrð­ingu að það lægi ljóst fyrir að for­sæt­is­ráð­herra­hjónin, þau Sig­mundur Davíð Gunn­laugs­son og Anna Sig­ur­laug Páls­dóttir, hefðu greitt skatta af eignum sínum á Bresku jóm­frú­areyj­unum. Stundin tók saman ummæli Ásmundar:

1. „Það hafa verið greiddir fullir skattar af þessu.“

2. „Ég held að það liggi alveg ljóst fyrir að það liggi yfir­lýs­ingar fyrir um að það hafi verið greiddir skattar.“

3. „En það sem að liggur alveg ljóst fyrir er að það hafa verið greiddir skattar af þessu.“

4. „Það liggur ljóst fyrir að það hafa verið greiddir skattar af þessum fjár­hæðum.“

5. „Það liggur ljóst fyrir yfir­lýs­ingar frá þeirra end­ur­skoð­un­ar­fyr­ir­tækjum að það hafa verið greiddir skattar af þessu og það er alveg skýrt.“

6. „Það liggur algjör­lega ljóst fyrir að skattar hafa verið greiddir af þessu og það er stóra málið.“

7. „Það liggur alger­lega skýrt fyrir af hálfu hans að hann hefur sagt það og hans end­ur­skoð­endur, hans end­ur­skoð­endur hafa sagt það alveg skýrt að það hafi verið greiddir skattar.“

Í þætt­inum sagði Ásmundur einnig eft­ir­far­andi:

„Stóra málið í þessu er það að menn hafi greitt skatta og skyldur af þessu sem þarna um ræðir.“

„Stóra málið í öllu þessu hér er að skattar séu greiddir hér á landi og ég hygg að það hafi ekk­ert komið upp annað í mál­efnum for­sæt­is­ráð­herra en að það hafi verið gert.“

„For­sæt­is­ráð­herra hefur hins vegar sagt að hann hafi greitt sína skatta á Íslandi og ég hef enga ástæðu til að rengja það að svo sé.“

„Stóra málið í þessu er, og það hefur komið hérna fram, er hvort að menn hafi verið að greiða skatta af eignum sem eru í félögum erlendis.“

Þegar stefndi í að Ásmundur end­ur­tæki sig enn einu sinni gafst Einar Þor­steins­son, þátta­stjórn­andi Viku­lokanna, upp. „Þú ert búinn að segja þetta þrisvar sinnum,“ sagði hann. „Þetta er í þriðja skiptið sem þú segir þetta. Þú verður að vera með fleiri línur, þetta gengur ekki.“

Eins og fram kemur hér að ofan hafði Ásmundur þó sagt lín­una mun oftar en þrisvar sinnum. 

Ljóst er jafn­framt að full­yrð­ing Ásmundar stenst ekki fylli­lega skoðun. Eins og fram kom á fundi stjórn­ar­and­stöð­unnar með skatt­rann­sókn­ar­stjóra í gær hafa skatta­yf­ir­völd engin úrræði til að sann­reyna þær upp­lýs­ingar sem eig­endur aflands­fé­laga gefa íslenskum skatta­yf­ir­völdum. Þá hefur Kjarninn greint frá því að for­sæt­is­ráð­herra­hjónin svari engu um hvort sér­stöku CFC fram­tali vegna aflands­fé­lags­ins Wintris hafi verið skilað. 

Skemmst er að minn­ast þess að fyrr á árinu var einn af for­seta­fram­bjóð­endum Repúblik­ana, Marco Rubio, stað­inn að því að segja fjórum sinnum sömu setn­ing­una í kapp­ræðum. „Let's dispel with this fiction that Barack Obama doesn't know what he's doing. He knows exactly what he's doing,“ sagði Rubio aftur og aftur. Í kjöl­farið var hann hafður að háði og spotti í fjöl­miðlum og á sam­fé­lags­miðlum. Þótti atvikið draga fram með skemmti­legum hætti hve vara­samt það er fyrir stjórn­mála­menn að styðj­ast ein­göngu við tal­punkta (e. talking points) í kapp­ræðum.


Uppfært kl. 22:40:

Vef­mið­ill­inn Nútíminn hefur klippt saman og birt upp­töku af end­ur­tekn­ingum Ásmundar Einars, sjá hér. 

Kjósa
0
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Stjórnmálamenn í skattaskjólum

FréttirStjórnmálamenn í skattaskjólum

Ekki gefið upp hvort ráð­herra hafði rétt­ar­stöðu rann­sókn­ar­þola

Þór­hildur Sunna Ævars­dóttir, þing­kona Pírata, setti fram alvar­legar ásak­anir á hendur Bjarna Bene­dikts­syni fjár­mála­ráð­herra í Silfrinu síð­ustu helgi. Skatt­rann­sókn­ar­stjóri telur sér ekki heim­ilt að svara því hvort Bjarni hafi fengið rétt­ar­stöðu rann­sókn­ar­þola eftir kaup á gögnum um aflands­fé­lög Íslend­inga og upp­ljóstr­anir Panama­skjal­anna.

Mest lesið

Mest lesið

Mest lesið í vikunni

Mest lesið í mánuðinum

3
Viðtal

Íslenskur læknir varpar nýju ljósi á lífs­hættu­legan með­göngu­sjúk­dóm

Nítján ára gömul lá Silja Rut Ragn­ars­dóttir nær dauða en lífi á skurð­ar­borði Land­spít­al­ans eftir alvar­legt til­felli með­göngu­eitr­unar. Íslenskur vís­inda­maður í Banda­ríkj­unum, Jóhann Elí Guð­jóns­son húð­læknir, leiðir braut­ryðj­andi rann­sóknir sem varpa nýju ljósi á hvers vegna sjúk­dóm­ur­inn kemur fram. Hann telur mögu­legt að þróa lyf við sjúk­dómnum sem bjargað gæti manns­lífum.
6
Viðtal

Ást­leysið er sárt

Nánd er nær­ing, nauð­syn­leg eins og matur. Tæpur helm­ingur fólks elst upp í óör­uggum tengslum sem geta komið niður á tengslum og ást­ar­sam­böndum á full­orð­ins­árum, jafn­vel ógnað heilsu, enda er „tengsla­myndun ein af grunn­for­sendum far­sældar“, að sögn klíníska sál­fræð­ings­ins Guð­brands Árna Ísberg. Í bók sinni, Í augum þínum verð ég til, fjallar hann um getu okkar til að mynda tengsl og ást­ina í öllum sínum myndum.

Mest lesið í mánuðinum

Mest lesið undanfarið ár