Kvikmyndagerðarmaðurinn og ljósmyndarinn Gaui H hefur verið að mynda síðan að hann var níu ára gamall og fór í að gera tónlistarmyndbönd og heimildarmyndir fyrir fjórum árum síðan. Hann er búsettur í Færeyjum ásamt unnustu sinni Maritu, og eiga þau saman fyrirtækið Faroe Ice productions.
Hann vinnur nú að gerð heimildarmyndar um ferðir Fjölnis Geirs Bragasonar, Fjölnis Tattú, til Færeyja í tengslum við FO Tattfest húðflúrhátíðina sem kom á laggirnar þar í landi. Fjölnir lést í desember 2021 aðeins 56 ára að aldri.
[adspot]Gaui H segir hugmyndina á bakvið verkefnið hafa kviknað árið 2018 þegar Fjölnir hringdi og bar undir hann hvort þeir ættu ekki að ráðast í verkefnið. Útgangspunkturinn var að horfa til þess hvernig hátíðin hefur breytt menningunni í Færeyjum. „Við byrjuðum að skjóta þá mynd 2018 og ætluðum að klára í ár. En svo féll hann frá og ég ákvað að breyta um stefnu og gera mynd sem heiðrar Fjölnir og það sem hann stóð fyrir með klippum sem ég á frá okkar ferðalögum og einnig taka viðtöl við vini og vandamenn.“
Þema verkefnisins er einfalt: ferðalag Fjölnis í gegnum lífið. „Það var á pörtum ansi skrautlegt og alveg magnað hvað hann tók sér fyrir hendur. Mig hlakkar mikið til að setjast niður með fólki sem var honum næst og rifja upp sögur og festa þær á filmu!“
Gaui H segir að hann og Fjölnir hafi verið afar nánir vinir og frá árinu 2018, þar til Fjölnir lést í lok síðasta árs, hafi þeir eytt ómældum tíma saman í að bralla og plana. „Hann kynnti mig fyrir núverandi unnustu minni og eigum við saman lítinn gaur sem að Fjölni hlakkaði mikið til að hitta. En það tókst ekki þar sem að Fjölnir lést fljótlega eftir fæðingu hans. En ég get sýnt syni mínum þessa mynd þegar að hann verður eldri og sagt honum sögur af þessum mikla manni sem að gerði svo mikið fyrir mig og fleiri.
Mér finnst ég ekki geta hvílst fyrr en að þessi mynd er orðin að veruleika, ekki bara fyrir mig heldur alla sem þekktu hann og elskuðu. Og það voru ansi margir.“
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Karolina fund
Ólöf Arnalds safnar fyrir útgáfu fimmtu breiðskífu sinnar
Spilamiðstöð sem eflir félagsleg tengsl og sköpunarkraft
Búa til vistvæn leikföng og vörur fyrir börn
Safnar fyrir uppbyggingu á Braggaparkinu eftir að sjór flæddi inn og eyðilagði það
Hávær ljóð með Drinni & The Dangerous Thoughts á vínyl
Athugasemdir