Guðni Th. Jóhannesson, forseti Íslands hefur sent Donald Trump, nýkjörnum forseta Bandaríkjanna, heillaóskir frá sér og íslensku þjóðinni. Þetta kemur fram í fréttatilkynningu frá forsetaembættinu.
Í kveðjunni lagði Guðni áherslu á rótgróna samvinnu og vináttu Íslands og Bandaríkjanna og sameiginlega sögu þjóðanna „sem teygði anga sína allt aftur til þess að sæfarendur frá Íslandi og Grænlandi tóku land í Norður-Ameríku fyrir meira en þúsund árum.“
Guðni nefndi einnig í heillaóskum sínum til Trumps að jafnvel þó stærðarmunurinn á milli Bandaríkjanna og Íslands væri mjög mikill þá deila þessar þjóðir mörgum mikilvægum gildum. „[…] við styðjum einhuga frelsi til hugsana og tjáningar, jafnrétti kynjanna og höfum í hávegum jafnan rétt allra þegna óháð litarhafti eða trú.“
Sigurður Ingi Jóhannsson forsætisráðherra sendi frá sér heillaóskir fyrr í dag og sagðist vera bjartsýnn á framhaldið. Hann segist eiga von á því að samskipti landanna verði jafn góð eins og verið hafa og verði það áfram, og hann hefur engar væntingar til annars.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir