Tólf smit innanlands í gær

Tólf ein­stak­lingar greindust smit­aðir af COVID-19 inn­an­lands í gær en þar af voru fimm í sótt­kví. Ekki er vitað hvert hlut­fall bólu­settra er í þess­ari tölu en á síð­ustu dögum hefur hátt hlut­fall þeirra sem greinst hafa með COVID-19 verið bólu­sett. Á síð­ustu fimm dögum hafa 36 greinst smituð af COVID-19 inn­an­lands.

Samkvæmt til­kynn­ingu frá Almanna­vörnum stendur smitrakn­ing enn yfir. „Ekki er enn vitað hvert hlut­fall bólu­settra er í þess­ari tölu. Eins og síð­ustu daga þá stendur smitrakn­ing yfir, eftir dag­inn í gær eru 340 manns í sótt­kví og 97 í ein­angrun, búast má við að enn fleiri fari í sótt­kví eftir dag­inn í dag.“

Á landa­mær­unum greindust einnig tólf smit­aðir af COVID-19.

Breytingar á sóttvörnum væntanlegar

[links]Fram kom í frétt Vísis í gær að Þórólfur Guðnason sótt­varna­læknir hygð­ist leggja til breyt­ingar á sótt­vörnum á landa­mær­unum vegna þeirrar auk­ins smits. Hann vildi ekki gefa upp hverjar til­lögur hans til ráð­herra yrðu en sagði að minn­is­blað væri í smíðum.

65 manns höfðu greinst með delta-afbrigði kór­ónu­veirunnar hér á landi þann 13. júlí. Líkt og áður segir stendur rað­grein­ing yfir á smitum síð­ustu daga svo talan kann að vera hærri. Þórólfur sagði í svari við fyr­ir­spurn Kjarnans að til greina komi að hefja skimanir á bólu­settum ferða­mönnum fari svo að delta-afbrigðið haldi áfram að grein­ast í miklum mæli. Hætt var að skima bólu­setta ferða­menn við kom­una tili lands­ins þann 1. júlí.