Þessi færsla er meira en 9 ára gömul.
Stjórnarskrá: Hvort er réttara?
Því miður eru ekki miklar umræður um breytingar á stjórnarskrá. Ég reyni þetta á eigin skinni því blogg mín um það málefni fær ekki mikla lesningu. Tveir gerendur í stjórnarskrárferlinu hafa skrifað um upplifun sína á ferlinu síðustu daga:
"Hvað sem öðru líður þá verður sú staðreynd ekki umflúin að á síðasta kjörtímabili var ekki þingmeirihluti til að keyra stjórnarskrána í gegn. Þingmenn stjórnarandstöðunnar kærðu sig kollótta um úrslit þjóðaratkvæðagreiðslunnar og voru ekkert viljugri til samræðu eftir hana en fyrir. Ég viðurkenni fúslega að sú óbilgirni kom mér í opna skjöldu. – En svo lengi lærir sem lifir." Valgerður Bjarnadóttir 07/02/2016 Herðubreið.
Björn Valur Gíslason varaformaður Vinstri grænna er skýrmæltari:
"Alþingi samþykkti þá að skipa sérstakt stjórnlagaráð og bauð þeim sem fengið höfðu kosningu á stjórnlagaþingið að taka sæti í ráðinu. 21 þingmaður lagðist gegn því að stjórnlagaráð yrði skipað, allt þingmenn hægriflokkanna að Lilju Mósesdóttur undanskilinni.[...]
Hægriflokkarnir börðust allt síðasta kjörtímabil af hörku gegn breytingum á stjórnarskránni. Undir lokin fengu þeir svo stuðning úr óvæntustu átt þegar þingmenn Hreyfingarinnar lögðu fram vantraust á ríkisstjórn vinstriflokkanna vegna málsins. Báðir formenn hægriflokkanna sögðust myndu styðja vantraustið þótt þeir væru ósammála málatilbúnaðinum á bak við tillöguna!" (Tekið af bloggi Björns)
Vinstri stjórnin sem mynduð var eftir kosningar 2009 hafði 34 þingmenn sér til stuðnings í upphafi. Þetta segir á Wikipetia:
-Undanliðið kjörtímabil einkenndist af hörðum deilum um mörg stór mál á borð við aðildarumsókn Íslands að Evrópusambandinu, Icesave, stjórnarskrármál og breytingar á fiskveiðistjórnunarkerfinu. Í ýmsum málum var ekki samstaða innan stjórnarmeirihlutans á þingi og gengu nokkrir þingmenn úr þingflokkum stjórnarflokkanna þannig að síðustu mánuði sína í embætti var stjórnin í raun minnihlutastjórn sem naut hlutleysis óflokksbundinna þingmanna.- (2013)
Stóra spurningin er hvort féll stjórnarskrármálið innan frá eða utanfrá?
Ég held að hvort tveggja sé rétt.
Fleiri færslur frá höfundi
Á ekki samleið með Snæbirni
Snæbjörn Brynjarsson eða listflakkarinn bloggar á Stundinni. Mér skilst einnig að hann sé varaþingmaður Pírata. Síðasta blogg hans um látinn mann, sannarlega umdeildan, eru ósæmileg jafnvel sjúkleg. Á meðan hann bloggar á Stundinni tjái ég mig á öðrum vettfangi. Við eigum ekki samleið.
Um hvað verður kosið?
Þegar þetta er skráð er rétt rúmlega helmingur kjósenda búin að ákveða sig hvar krossinn lendir. Margir skipta um skoðun í kjörklefanum en það virðist jafnast út. Það sem vekur athygli er að flokkarnir eru með óvenju líkar áherslur þó útfærslan sé mismunandi. Sveitarstjórnakosningar einkennast af persónukjöri. Flokkarnir skipuleggja samkomur og fundi, auglýsa sem enginn er morgundagurinn. Sjálfur tók ég...
Á að leyfa flengingar?
Svarið er auðvitað nei. En stórveldin eru einmitt þessa dagana að beita flengingarrökunum. ”Efnavopnaárás verður ekki liðin og eina leið gegn slíku er harðar aðgerðir” , segja ráðamenn. Mér finnst ekki nægjanlega koma skýrt fram hjá íslenskum stjórnvöldum hvort það styður áframhaldandi “flengingar” . Á sama hátt og varð ljóst í uppeldi að flengingar skilar litlu, þá skilar það enn...
D´Hont hyllir þá stóru
Ef skoðaðar eru úthlutunarreglur stærðfræðingsins D´Hont þá sést hvernig stærri þeir flokkar sem fá fleiri atkvæði geta nýtt sér þau betur. Ég skoðaði skiptinguna á Kosningasögu og bætti við dálki: Versta nýtingin er hjá Framsókn eða um 12 prósent fylgi að baki bæjarfulltrúa. Besta nýtingin er [sem fyrr] hjá Sjálfstæðisflokki þó Björt framtíð sé á svipuðu róli. Spurningin...
Athugasemdir