Þessi færsla er meira en 8 ára gömul.
Sótt að formanni Framsóknarflokksins
Sigmundi Davíð Gunnlagssyni formanni Framsóknarflokksins var tamt að tala um loftárásir þegar hann fékk á sig gagnrýni. Yfirleitt talaði formaðurinn í hæsta stigi og í heimsmetum.
Nú er sótt að framsóknarformanninum og þá einna helst innan búðar. Að vísu gerði ræða hans á miðstjórnarfundi fyrir norðan honum ekki gott eða málstað hans.
Og nú er svo komið að krosstréin frá Brúnum bresta. Eiginkonu Sigmundar misminnir líklegast hvað varðar friðarstól formannsins því bæði var sótt að Guðna Ágústssyni og Jóni Sigurðssyni á formannsstóli. Sá síðarnefndi hefur skilmerkilega (fyrir löngu) sagt formanninum að taka pokan sinn.
Þetta er svo sem ekki nýtt þetta með loftárásir og laumuspil innan Framsóknarflokksins. Jónas Jónsson frá Hriflu sat ekki í mollu og kyrru. Flestir hnífaköstin komu innanbúðar.
Ég hafði hálft í hvoru ætlað mér að skrifa um stöðu formannsins en sé að þetta eru orðin hrein eftirmæli.
Vonandi tekur sláturtíðin fljótt af þetta haustið.
Fleiri færslur frá höfundi
Á ekki samleið með Snæbirni
Snæbjörn Brynjarsson eða listflakkarinn bloggar á Stundinni. Mér skilst einnig að hann sé varaþingmaður Pírata. Síðasta blogg hans um látinn mann, sannarlega umdeildan, eru ósæmileg jafnvel sjúkleg. Á meðan hann bloggar á Stundinni tjái ég mig á öðrum vettfangi. Við eigum ekki samleið.
Um hvað verður kosið?
Þegar þetta er skráð er rétt rúmlega helmingur kjósenda búin að ákveða sig hvar krossinn lendir. Margir skipta um skoðun í kjörklefanum en það virðist jafnast út. Það sem vekur athygli er að flokkarnir eru með óvenju líkar áherslur þó útfærslan sé mismunandi. Sveitarstjórnakosningar einkennast af persónukjöri. Flokkarnir skipuleggja samkomur og fundi, auglýsa sem enginn er morgundagurinn. Sjálfur tók ég...
Á að leyfa flengingar?
Svarið er auðvitað nei. En stórveldin eru einmitt þessa dagana að beita flengingarrökunum. ”Efnavopnaárás verður ekki liðin og eina leið gegn slíku er harðar aðgerðir” , segja ráðamenn. Mér finnst ekki nægjanlega koma skýrt fram hjá íslenskum stjórnvöldum hvort það styður áframhaldandi “flengingar” . Á sama hátt og varð ljóst í uppeldi að flengingar skilar litlu, þá skilar það enn...
D´Hont hyllir þá stóru
Ef skoðaðar eru úthlutunarreglur stærðfræðingsins D´Hont þá sést hvernig stærri þeir flokkar sem fá fleiri atkvæði geta nýtt sér þau betur. Ég skoðaði skiptinguna á Kosningasögu og bætti við dálki: Versta nýtingin er hjá Framsókn eða um 12 prósent fylgi að baki bæjarfulltrúa. Besta nýtingin er [sem fyrr] hjá Sjálfstæðisflokki þó Björt framtíð sé á svipuðu róli. Spurningin...
Athugasemdir