Þessi færsla er meira en 9 ára gömul.
Solla vekur upp draug
Tveggja lína athugasemd Ingibjargar Sólrúnar Gísladóttur á Facebook hefur vakið upp draug í Samfylkingunni sem allir héldu að búið væri að jarðsetja.
En eins og í þjóðtrúnni þá vakna draugar við vissar aðstæður. Aðstæðurnar eru þessar: 1. Gengi Samfylkingarinnar í skoðanakönnunum er 8-9%. 2. Þrýstingur á flokksforystu varð svo mikill að formannskjöri og landsfundi er flýtt um hálft ár. 3. Frambjóðendur til formanns koma fram og meinleg athugasemd alla leið frá Tyrklandi, um einn þeirra vekur athygli. Athugasemdin er um mál sem er ógróið innan Samfylkingarinnar. Sópað undir teppið.
Þar sem fennir yfir atburði skal ég lyfta teppinu, niðurstaða Atla nefndarinnar:
Fulltrúar Vinstri grænna, Atli Gíslason og Lilja Rafney Magnúsdóttir, Birgitta Jónsdóttir frá Hreyfingunni og Eygló Harðardóttir og Sigurður Ingi Jóhannsson fulltrúar Framsóknarflokksins vilja kalla ráðherrana fjóra fyrir landsdóm.
Fjórir þingmenn Samfylkingar og Sjálfstæðisflokks voru á öðru máli. Magnús Orri Schram og Oddný Harðardóttir, þingmenn Samfylkingar, telja að Geir, Ingibjörg og Árni eigi að mæta landsdómi en ekki Björgvin G. Sigurðsson.
Þingmenn Sjálfstæðisflokksins þær Unnur Brá Konráðsdóttir og Ragnheiður Ríkharðsdóttir töldu að ekki ætti að ákæra neinn af ráðherrunum fyrrverandi og lögðu því enga þingsályktunartillögu fram.
En fleiri vildu sakfella alla:
"Oddný Harðardóttir, Samfylkingunni, situr í Atlanefndinni og leggur til að Geir Haarde, Árni Mathiesen og Ingibjörg Sólrún Gísladóttir fari fyrir landsdóm. Í ræðu sinni færði hún einkum rök fyrir því hvers vegna hún telji að ekki beri að sækja Björgvin G. Sigurðsson til saka. Sagði hún Geir og Ingibjörgu hafa farið inn á valdsvið Björgvins, hann hafi ekki verið upplýstur um mikilvæg mál eða setið mikilvæga fundi og hann hafi ekki undirritað yfirlýsingu um gjaldeyrisskipti við norrænu seðlabankana." (bjorn@frettabladid.is)
Það má því ætla að ef Oddný Harðardóttir gefi kost á sér til formennsku komi annað skeyti frá Tyrklandi.
Fleiri færslur frá höfundi
Á ekki samleið með Snæbirni
Snæbjörn Brynjarsson eða listflakkarinn bloggar á Stundinni. Mér skilst einnig að hann sé varaþingmaður Pírata. Síðasta blogg hans um látinn mann, sannarlega umdeildan, eru ósæmileg jafnvel sjúkleg. Á meðan hann bloggar á Stundinni tjái ég mig á öðrum vettfangi. Við eigum ekki samleið.
Um hvað verður kosið?
Þegar þetta er skráð er rétt rúmlega helmingur kjósenda búin að ákveða sig hvar krossinn lendir. Margir skipta um skoðun í kjörklefanum en það virðist jafnast út. Það sem vekur athygli er að flokkarnir eru með óvenju líkar áherslur þó útfærslan sé mismunandi. Sveitarstjórnakosningar einkennast af persónukjöri. Flokkarnir skipuleggja samkomur og fundi, auglýsa sem enginn er morgundagurinn. Sjálfur tók ég...
Á að leyfa flengingar?
Svarið er auðvitað nei. En stórveldin eru einmitt þessa dagana að beita flengingarrökunum. ”Efnavopnaárás verður ekki liðin og eina leið gegn slíku er harðar aðgerðir” , segja ráðamenn. Mér finnst ekki nægjanlega koma skýrt fram hjá íslenskum stjórnvöldum hvort það styður áframhaldandi “flengingar” . Á sama hátt og varð ljóst í uppeldi að flengingar skilar litlu, þá skilar það enn...
D´Hont hyllir þá stóru
Ef skoðaðar eru úthlutunarreglur stærðfræðingsins D´Hont þá sést hvernig stærri þeir flokkar sem fá fleiri atkvæði geta nýtt sér þau betur. Ég skoðaði skiptinguna á Kosningasögu og bætti við dálki: Versta nýtingin er hjá Framsókn eða um 12 prósent fylgi að baki bæjarfulltrúa. Besta nýtingin er [sem fyrr] hjá Sjálfstæðisflokki þó Björt framtíð sé á svipuðu róli. Spurningin...
Athugasemdir