Þessi færsla er meira en 9 ára gömul.
Skattalagabrot að fyrnast
Fyrir rúmu ári fékk skattarannsóknarstjóri heimild allt að 40 miljónum króna til að kaupa skattaupplýsingar erlendis frá. Síðan hafa fáar fregnir fengist af gangi mála.
Eitt er mikilvægt, það er að hefja rannsókn á brotunum. Það gerist með því að þeim grunaða er sent fyrirspurn og gefinn kostur á andmælum.
Ekki virðist samkvæmt fjármálaráðherra neinn slíkur lagagjörningur vera hafinn. Þetta segja lögin:
Sök skv. 109. gr. laga nr. 90/2003, um tekjuskatt, fyrnist á sex árum miðað við upphaf rannsóknar á vegum skattrannsóknarstjóra ríkisins, enda verði ekki óeðlilegar tafir á rannsókn máls eða ákvörðun refsingar, sbr. 8. mgr. 110. gr. laganna. Fram kom í frumvarpi með lögum nr. 40/1978, um tekjuskatt og eignarskatt, að ekki væri talið stætt á því að sekta fyrir brot lengra aftur í tímann en sex ár þótt skattaðili hefði árlega brotið af sér með framtali sínu í lengri tíma.
Sök skv. 40. gr. laga nr. 50/1988, um virðisaukaskatt og 30. gr. laga nr. 45/1987, um staðgreiðslu opinberra gjalda, fyrnist á sex árum [... nánast sama og fyrir ofan um tafir ofl.]
Þá fyrnist sök samkvæmt 3. tl. 1. mgr. 81. gr. almennra hegningarlaga á tíu árum þegar ekki liggur þyngri refsing við broti en tíu ára fangelsi. Samkvæmt athugasemdum með lögum nr. 20/1981, um breytingu á almennum hegningarlögum nr. 19/1940, er ákvæði 81. gr. laganna ætlað að taka til allra brota nema sérlög kveði á um annað, en þá ganga ákvæði sérlaga framar ákvæði almennra hegningarlaga. Þetta var einnig talið gilda um þau sérrefsilagaákvæði sem voru fyrir í lögum, þau héldu því gildi sínu og var ákvæði almennra hegningarlaga ætlað að þoka fyrir þeim.
Þá er skýrt í lögum að ekki er refsað lengra aftur í tíma en sex ár. Keypt skattagögn eru flest frá árunum kringum hrun, 2008-2010.
Sé þetta skoðað í þessu ljósi þá verður varla ákært í flestum þessum málum.
Er það á ábyrgð fjármálaráðherra?
Fleiri færslur frá höfundi
Á ekki samleið með Snæbirni
Snæbjörn Brynjarsson eða listflakkarinn bloggar á Stundinni. Mér skilst einnig að hann sé varaþingmaður Pírata. Síðasta blogg hans um látinn mann, sannarlega umdeildan, eru ósæmileg jafnvel sjúkleg. Á meðan hann bloggar á Stundinni tjái ég mig á öðrum vettfangi. Við eigum ekki samleið.
Um hvað verður kosið?
Þegar þetta er skráð er rétt rúmlega helmingur kjósenda búin að ákveða sig hvar krossinn lendir. Margir skipta um skoðun í kjörklefanum en það virðist jafnast út. Það sem vekur athygli er að flokkarnir eru með óvenju líkar áherslur þó útfærslan sé mismunandi. Sveitarstjórnakosningar einkennast af persónukjöri. Flokkarnir skipuleggja samkomur og fundi, auglýsa sem enginn er morgundagurinn. Sjálfur tók ég...
Á að leyfa flengingar?
Svarið er auðvitað nei. En stórveldin eru einmitt þessa dagana að beita flengingarrökunum. ”Efnavopnaárás verður ekki liðin og eina leið gegn slíku er harðar aðgerðir” , segja ráðamenn. Mér finnst ekki nægjanlega koma skýrt fram hjá íslenskum stjórnvöldum hvort það styður áframhaldandi “flengingar” . Á sama hátt og varð ljóst í uppeldi að flengingar skilar litlu, þá skilar það enn...
D´Hont hyllir þá stóru
Ef skoðaðar eru úthlutunarreglur stærðfræðingsins D´Hont þá sést hvernig stærri þeir flokkar sem fá fleiri atkvæði geta nýtt sér þau betur. Ég skoðaði skiptinguna á Kosningasögu og bætti við dálki: Versta nýtingin er hjá Framsókn eða um 12 prósent fylgi að baki bæjarfulltrúa. Besta nýtingin er [sem fyrr] hjá Sjálfstæðisflokki þó Björt framtíð sé á svipuðu róli. Spurningin...
Athugasemdir