Þessi færsla er meira en 9 ára gömul.
Sigmundur sýnir auðlegðarskattinn
Það er vissulega ánægjuefni að stjórnmálamenn vilji bæta sig og skýra betur málstað sinn. Með birtingu skattagagna sinna hallar á Bjarna Benediktsson, fjármálaráðherra og sjálfan forsetann.
Það skýrasta við framlagninguna er að hér sést skýrlega auðlegðarframlag Sigmundar og konu hans. Sjálfur lagði hann þennan skatt af ásamt fjármálaráðherra 2013. Þetta eru heilar 85 miljónir.
Staðan væri önnur í heilbrigðismálum ef skatturinn hefði verið þó ekki nema ár í viðbót.
En Ingi Freyr Vilhjálmsson í bloggi hér á Stundinni bendir á:
-"Athygli vekur að Sigmundur Davíð birtir ekki upplýsingar um eigin skattskil á árunum 2007 til 2009 en hann var sjálfur hluthafi í Wintris fram til loka árs 2009. Fjármagnstekjur sem komu frá Wintris áður en hann seldi konu sinni hlut sinn með málamyndagerningi í árslok 2009 eru því einnig fjármagnstekjur hans. [...] Eitt af því sem vekur athygli við þessa upplýsingagjöf Sigmundar Davíðs er því hvað hann segir ekki. Af hverju birtir hann ekki skattaupplýsingar um sjálfan sig á þeim tíma þegar hann átti hlut í Wintris á móti konu sinni? Út frá upplýsingunum að dæma er eins og hann hafi aldrei hlut í Wintris þrátt fyrir að sýnt hafi verið fram á annað.-"
Einnig vekur athygli að hann skilar ekki svoköllu CFC-framtali sem myndi skýra stöðuna enn betur.
En nú er að sjá hvort fjármálaráðherra hafi dug í sér að birta sitt framtal á sama hátt.
Fleiri færslur frá höfundi
Á ekki samleið með Snæbirni
Snæbjörn Brynjarsson eða listflakkarinn bloggar á Stundinni. Mér skilst einnig að hann sé varaþingmaður Pírata. Síðasta blogg hans um látinn mann, sannarlega umdeildan, eru ósæmileg jafnvel sjúkleg. Á meðan hann bloggar á Stundinni tjái ég mig á öðrum vettfangi. Við eigum ekki samleið.
Um hvað verður kosið?
Þegar þetta er skráð er rétt rúmlega helmingur kjósenda búin að ákveða sig hvar krossinn lendir. Margir skipta um skoðun í kjörklefanum en það virðist jafnast út. Það sem vekur athygli er að flokkarnir eru með óvenju líkar áherslur þó útfærslan sé mismunandi. Sveitarstjórnakosningar einkennast af persónukjöri. Flokkarnir skipuleggja samkomur og fundi, auglýsa sem enginn er morgundagurinn. Sjálfur tók ég...
Á að leyfa flengingar?
Svarið er auðvitað nei. En stórveldin eru einmitt þessa dagana að beita flengingarrökunum. ”Efnavopnaárás verður ekki liðin og eina leið gegn slíku er harðar aðgerðir” , segja ráðamenn. Mér finnst ekki nægjanlega koma skýrt fram hjá íslenskum stjórnvöldum hvort það styður áframhaldandi “flengingar” . Á sama hátt og varð ljóst í uppeldi að flengingar skilar litlu, þá skilar það enn...
D´Hont hyllir þá stóru
Ef skoðaðar eru úthlutunarreglur stærðfræðingsins D´Hont þá sést hvernig stærri þeir flokkar sem fá fleiri atkvæði geta nýtt sér þau betur. Ég skoðaði skiptinguna á Kosningasögu og bætti við dálki: Versta nýtingin er hjá Framsókn eða um 12 prósent fylgi að baki bæjarfulltrúa. Besta nýtingin er [sem fyrr] hjá Sjálfstæðisflokki þó Björt framtíð sé á svipuðu róli. Spurningin...
Athugasemdir