Þessi færsla er meira en 9 ára gömul.
Rússíbanareið
Sjaldan eða aldrei hafa pólitísk tíðindi borist og breyst jafn mikið á jafn stuttum tíma í íslenskri stjórnmálasögu, held ég.
Forsetinn fráfarandi talaði um að ekki lengur væri hægt að tala um að vika væri langur tími í pólitík, dagur er réttara heiti.
Sannkölluð rússíbanareið síðasti sólarhringurinn.
Í gær kom einn frambjóðandi, það er Davíð Oddson og innan sólarhrings var annar frambjóðandi Ólafur Ragnar Grímsson hættur við, aftur.
Það er of snemmt að segja hvaða áhrif þetta hafi á kosningabaráttuna almennt. Eitthvað segir mér að Davíð muni fara sér hægt í byrjun en reyna svo með smjörklípum og látum sviðsetja atburði, honum í hag.
Fyrir Davíð er þetta einungis ferð til að sýna sögunni að hann nái ef til vill þriðjung atkvæða.
Sá sem glaðastur yrði yfir ósigri Davíðs yrði Ástríður kona hans. En eitt er víst að Davíð fer þá út úr stjórnmálum með sama orrystuþyt og hann kom inn fyrir 40 árum.
"Þú verður að fara á Facebook", var ráðlegging núverandi formanns Sjálfstæðisflokksins við Davíð.
Ég er ekki viss að Davíð fari yfir á Facebook eða Twitter. Hugsanlega stuðningsmenn hans.
Mér dettur í hug ljóð Tómasar Guðmundssonar, Fjallganga:
-Segja löngu seinna frá því:
„Sjáið tindinn, þarna fór ég!
Fjöllunum ungur eiða sór ég,
enda gat ei farið hjá því,
að ég kæmist upp á tindinn.(TG)
Davíð hefur klifið flesta tinda íslenskra stjórnmála og horfir til Bessastaða.
Ég er ekki viss að það klif takist.
Fleiri færslur frá höfundi
Á ekki samleið með Snæbirni
Snæbjörn Brynjarsson eða listflakkarinn bloggar á Stundinni. Mér skilst einnig að hann sé varaþingmaður Pírata. Síðasta blogg hans um látinn mann, sannarlega umdeildan, eru ósæmileg jafnvel sjúkleg. Á meðan hann bloggar á Stundinni tjái ég mig á öðrum vettfangi. Við eigum ekki samleið.
Um hvað verður kosið?
Þegar þetta er skráð er rétt rúmlega helmingur kjósenda búin að ákveða sig hvar krossinn lendir. Margir skipta um skoðun í kjörklefanum en það virðist jafnast út. Það sem vekur athygli er að flokkarnir eru með óvenju líkar áherslur þó útfærslan sé mismunandi. Sveitarstjórnakosningar einkennast af persónukjöri. Flokkarnir skipuleggja samkomur og fundi, auglýsa sem enginn er morgundagurinn. Sjálfur tók ég...
Á að leyfa flengingar?
Svarið er auðvitað nei. En stórveldin eru einmitt þessa dagana að beita flengingarrökunum. ”Efnavopnaárás verður ekki liðin og eina leið gegn slíku er harðar aðgerðir” , segja ráðamenn. Mér finnst ekki nægjanlega koma skýrt fram hjá íslenskum stjórnvöldum hvort það styður áframhaldandi “flengingar” . Á sama hátt og varð ljóst í uppeldi að flengingar skilar litlu, þá skilar það enn...
D´Hont hyllir þá stóru
Ef skoðaðar eru úthlutunarreglur stærðfræðingsins D´Hont þá sést hvernig stærri þeir flokkar sem fá fleiri atkvæði geta nýtt sér þau betur. Ég skoðaði skiptinguna á Kosningasögu og bætti við dálki: Versta nýtingin er hjá Framsókn eða um 12 prósent fylgi að baki bæjarfulltrúa. Besta nýtingin er [sem fyrr] hjá Sjálfstæðisflokki þó Björt framtíð sé á svipuðu róli. Spurningin...
Athugasemdir