Þessi færsla er meira en 9 ára gömul.
Rök Árna Páls
Athygli manna beinist að flokkstjórnarfundi Samfylkingarinnar í dag. Í ræðu (fráfarandi?) formanns Samfylkingarinnar kom eftirfarandi fram:
"Það er bara eitt sjónarmið sem ég hef heyrt fleygt í umræðunni undanfarna daga sem ég er hjartanlega ósammála og það er sú staðhæfing að jafnvel þótt breytingar séu góðar eigi ekki að samþykkja þær því þá gætu þær mögulega útilokað eða tafið frekari stjórnarskrárbreytingar, jafnvel tekið þær af dagskrá í 30 ár. Hver ætti að taka kröfuna um frekari breytingar af dagskrá? Við?"
Hér veit Árni Páll betur. Það eru fleiri þættir sem koma máli á dagskrá eða að mál deyja. Hvað segir reynslan um breytingar á stjórnarskrá? Breytingar á stjórnarskránni utan breytingar á kjördæmaskipan eru fáar utan mannréttindaákvæðið um aldamótin. Nógu erfitt hefur verið að koma grunnkröfu búsáhaldabyltingarinnar um heilstæða breytingu.
Veit Árni Páll ekki betur?
Hann heldur áfram:
"Flestir vita að Jón Baldvinsson náði Vökulögunum fram 1921. Það var gríðarlegur og sögulegur sigur sem tryggði sjómönnum sex stunda hvíld, kom í veg fyrir þrælkun og bjargaði lífi og limum sjómanna. Færri vita að Jörundur Brynjólfsson, fyrsti þingmaður jafnaðarmanna, lagði fram frumvarp sama efnis 1919 en um 8 stunda hvíld. Það var fellt. Honum var bent á við þinglega meðferð að hann gæti mögulega komið sex stundum í gegn, en lét ekki á það reyna. Var hann prinsíppmaður af því hann kvikaði ekki frá ítrustu kröfum? Voru sex stundirnar hans Jóns Baldvinssonar þá eftir alltsaman svik en ekki sigur? Auðvitað ekki."
Svolítið ósanngjörn framsetning þegar nánar er skoðað. Frá 1919 hafði Sjómannasamband Íslands tekið upp baráttuna og settu á oddinn tímana sex.
Þannig komst málið á dagskrá.
Svo mikinn byr fékk málið að það var afgreitt frá efri deild þrátt fyrir mótmæli íhaldsmanna.
Fyrir utan það þá er mikill munur á kjararéttindamáli og breytingu á stjórnarskrá.
Ef skoðaðar eru breytingar á stjórnarskrám Norðurlanda þá má sjá að stjórnarskrár breytast ekki í þrepum yfir árabil.
Samþykktar stjórnarskrár taka málið AF dagskrá.
Sem betur fer hafði flokkstjórn SF og framkomnir formannsframbjóðendur vit fyrir formanninum.
Í lokin skal tekið undir með Þorvaldi Gylfasyni:
Það er móðgun við kjósendur ef ekki verður kosið jafnframt um útþynnta tillögu Pálsnefndarinnar og frumvarp Stjórnlagaráðs.
Fleiri færslur frá höfundi
Á ekki samleið með Snæbirni
Snæbjörn Brynjarsson eða listflakkarinn bloggar á Stundinni. Mér skilst einnig að hann sé varaþingmaður Pírata. Síðasta blogg hans um látinn mann, sannarlega umdeildan, eru ósæmileg jafnvel sjúkleg. Á meðan hann bloggar á Stundinni tjái ég mig á öðrum vettfangi. Við eigum ekki samleið.
Um hvað verður kosið?
Þegar þetta er skráð er rétt rúmlega helmingur kjósenda búin að ákveða sig hvar krossinn lendir. Margir skipta um skoðun í kjörklefanum en það virðist jafnast út. Það sem vekur athygli er að flokkarnir eru með óvenju líkar áherslur þó útfærslan sé mismunandi. Sveitarstjórnakosningar einkennast af persónukjöri. Flokkarnir skipuleggja samkomur og fundi, auglýsa sem enginn er morgundagurinn. Sjálfur tók ég...
Á að leyfa flengingar?
Svarið er auðvitað nei. En stórveldin eru einmitt þessa dagana að beita flengingarrökunum. ”Efnavopnaárás verður ekki liðin og eina leið gegn slíku er harðar aðgerðir” , segja ráðamenn. Mér finnst ekki nægjanlega koma skýrt fram hjá íslenskum stjórnvöldum hvort það styður áframhaldandi “flengingar” . Á sama hátt og varð ljóst í uppeldi að flengingar skilar litlu, þá skilar það enn...
D´Hont hyllir þá stóru
Ef skoðaðar eru úthlutunarreglur stærðfræðingsins D´Hont þá sést hvernig stærri þeir flokkar sem fá fleiri atkvæði geta nýtt sér þau betur. Ég skoðaði skiptinguna á Kosningasögu og bætti við dálki: Versta nýtingin er hjá Framsókn eða um 12 prósent fylgi að baki bæjarfulltrúa. Besta nýtingin er [sem fyrr] hjá Sjálfstæðisflokki þó Björt framtíð sé á svipuðu róli. Spurningin...
Athugasemdir