Þessi færsla er meira en 9 ára gömul.
Reykfylltu gagnaherbergin
Áður fyrr var talað um reykfylltu bakherbergin. En það var fyrir tíð tölvualdar.
Ég veit um tvö gagnaherbergi. Eitt er gagnaherbergi Borgunar eingöngu fyrir Landsbankann, sem hann virðist ekki hafa notað, hitt fyrir alþingismenn um upplýsingar sem þola ekki dagsljósið. Ég hélt satt best að segja að slíkt ógegnsæi tilheyrði sögunni eftir Hrun. Var ekki helsta baráttumálið -meira gegnsæi- eftir skýrslu RNA? Þarf ég kannski að upplýsa hvað RNA stendur fyrir! Eitthvað sem þvældist fyrir okkur, segir núverandi innanríkisráðherra.
En skaðinn er skeður. Bankamenn enn í sömu skítaholunni.
Trúnaðarbrestur.
Geir Guðsteinsson, blaðamaður skrifar á FB vegg sinn:
"Bankastjóri Landsbankans er stöðugt spurður um Borgunarmálið og hvort engin þekking hafi legið fyrir um stöðu Borgunar. En hvað með stjórnarmenn Landsbankans, könnuðu þeir ekki heldur stöðu mála? Þetta fólk ætti að hafa þekkinguna en þau eru; Tryggvi Pálsson, formaður, sem hefur víðtæka reynslu á fjármálamarkaði og hefur gegnt leiðandi hlutverki í rekstri fjölmargra fjármálafyrirtækja. Eva Sóley Guðbjörnsdóttir, varaformaður, er fjármálastjóri Advania á Íslandi.Danielle Pamela Neben starfar í dag sem sjálfstæður ráðgjafi en hún starfaði hjá HSBC bankanum, sem er einn stærsti banki heims. Helga Björk Eiríksdóttir Helga Björk Eiríksdóttir er framkvæmdastjóri Integrum, sem starfar á sviði fasteignaþróunar og ráðgjafar. Jón Sigurðsson hefur víðfeðma rekstrar- og stjórnunarreynslu. Kristján Davíðsson Kristján Þ. Davíðsson hefur starfað sem framkvæmdastjóri Isder ehf. síðan 2009. Hann er með skipstjórnarpróf frá Stýrimannaskóla Íslands og meistaragráðu í sjávarútvegsfræði frá Háskólanum í Tromsö í Noregi. Jóhann Hjartarson Jóhann Hjartarson hefur verið yfirlögfræðingur Íslenskrar erfðagreiningar ehf. frá árinu 1998, en var einnig yfirlögfræðingur deCODE genetics Inc. á árunum 1998-2009."
Ætlum við að láta bjóða okkur þetta -aftur?
Fleiri færslur frá höfundi
Á ekki samleið með Snæbirni
Snæbjörn Brynjarsson eða listflakkarinn bloggar á Stundinni. Mér skilst einnig að hann sé varaþingmaður Pírata. Síðasta blogg hans um látinn mann, sannarlega umdeildan, eru ósæmileg jafnvel sjúkleg. Á meðan hann bloggar á Stundinni tjái ég mig á öðrum vettfangi. Við eigum ekki samleið.
Um hvað verður kosið?
Þegar þetta er skráð er rétt rúmlega helmingur kjósenda búin að ákveða sig hvar krossinn lendir. Margir skipta um skoðun í kjörklefanum en það virðist jafnast út. Það sem vekur athygli er að flokkarnir eru með óvenju líkar áherslur þó útfærslan sé mismunandi. Sveitarstjórnakosningar einkennast af persónukjöri. Flokkarnir skipuleggja samkomur og fundi, auglýsa sem enginn er morgundagurinn. Sjálfur tók ég...
Á að leyfa flengingar?
Svarið er auðvitað nei. En stórveldin eru einmitt þessa dagana að beita flengingarrökunum. ”Efnavopnaárás verður ekki liðin og eina leið gegn slíku er harðar aðgerðir” , segja ráðamenn. Mér finnst ekki nægjanlega koma skýrt fram hjá íslenskum stjórnvöldum hvort það styður áframhaldandi “flengingar” . Á sama hátt og varð ljóst í uppeldi að flengingar skilar litlu, þá skilar það enn...
D´Hont hyllir þá stóru
Ef skoðaðar eru úthlutunarreglur stærðfræðingsins D´Hont þá sést hvernig stærri þeir flokkar sem fá fleiri atkvæði geta nýtt sér þau betur. Ég skoðaði skiptinguna á Kosningasögu og bætti við dálki: Versta nýtingin er hjá Framsókn eða um 12 prósent fylgi að baki bæjarfulltrúa. Besta nýtingin er [sem fyrr] hjá Sjálfstæðisflokki þó Björt framtíð sé á svipuðu róli. Spurningin...
Athugasemdir