Þessi færsla er meira en 9 ára gömul.
Samfylkingin: Formannsslagur framundan?
Það er alltaf fróðlegt þegar forystufólk stjórnmálaflokks stígur fram og viðurkennir mistök.
Þetta er allt of fágætt í íslenskum veruleika en formaður Samfylkingarinnar viðurkennir mistök.
Hér er upptalning formannsins:
Kjarninn okkar -Við misstum það nána samband sem við höfðum haft við verkalýðshreyfinguna og talsambandið við atvinnulífið.
Icesave Við studdum samning um Icesave sem varði ekki ítrustu hagsmuni þjóðarinnar og mæltum gegn þjóðaratkvæðagreiðslu um hann.
Aðildarumsóknin Við byggðum aðildarumsókn að ESB á flóknu baktjaldasamkomulagi, sem aldrei hélt, í stað þess að fá skýrt umboð frá þjóðinni til að fara í aðildarviðræður, [...]
Skuldir heimilanna Þegar fólk var að drukkna í skuldafeni tókum við að okkur í of ríkum mæli að útskýra fyrir fólki að það ætti að borga skuldir sínar, í stað þess að taka okkur stöðu með fólki gegn fjármálakerfi.
Fiskveiðistjórnunin Við lofuðum breytingum á fiskveiðistjórnunarkerfi en týndum okkur í langvinnum samningum fyrir luktum dyrum [...]
Stjórnarskráin Við höfðum forgöngu um stjórnarskrárbreytingar, en drógum það alltof lengi að áfangaskipta verkefninu [...].-"
Sigríður Ingibjörg Ingadóttir skrifar í kvöld á FB: Í janúar 2014 birtist þessi grein eftir mig í "Jafnaðarmanninum" fréttabréfi Samfylkingarinnar í Reykjavík. Ég tel rétt að endurbirta hana núna í tilefni af bréfi formanns Samfylkingarinnar til flokksmanna í dag. Þetta voru skoðanir mínar þá og eru svo sem enn að mestu. En nú eru tvö ár liðin frá birtingu greinarinnar, nær þrjú ár frá kosningatapinu og rúmt ár í næstu kosningar. Hvers vegna barst bréf formannsins svona seint? Er ekki hlutverk formanns að leiða stefnumörkun flokksins og gera upp við kosningaósigur? Það er ljóst af grein minni að vilji var til slíks uppgjörs í flokknum og enginn að kasta af sér ábyrgð, þó ekki væru allir sammála um ástæður fyrir slakri stöðu flokksins. Góðar stundir!-"
Bréfið er all langt en að mestu leyti samhljóða mistakalista formannsins.
-
Nú er spurningin þessi. Er hafinn baráttan um formannssætið?
Fleiri færslur frá höfundi
Á ekki samleið með Snæbirni
Snæbjörn Brynjarsson eða listflakkarinn bloggar á Stundinni. Mér skilst einnig að hann sé varaþingmaður Pírata. Síðasta blogg hans um látinn mann, sannarlega umdeildan, eru ósæmileg jafnvel sjúkleg. Á meðan hann bloggar á Stundinni tjái ég mig á öðrum vettfangi. Við eigum ekki samleið.
Um hvað verður kosið?
Þegar þetta er skráð er rétt rúmlega helmingur kjósenda búin að ákveða sig hvar krossinn lendir. Margir skipta um skoðun í kjörklefanum en það virðist jafnast út. Það sem vekur athygli er að flokkarnir eru með óvenju líkar áherslur þó útfærslan sé mismunandi. Sveitarstjórnakosningar einkennast af persónukjöri. Flokkarnir skipuleggja samkomur og fundi, auglýsa sem enginn er morgundagurinn. Sjálfur tók ég...
Á að leyfa flengingar?
Svarið er auðvitað nei. En stórveldin eru einmitt þessa dagana að beita flengingarrökunum. ”Efnavopnaárás verður ekki liðin og eina leið gegn slíku er harðar aðgerðir” , segja ráðamenn. Mér finnst ekki nægjanlega koma skýrt fram hjá íslenskum stjórnvöldum hvort það styður áframhaldandi “flengingar” . Á sama hátt og varð ljóst í uppeldi að flengingar skilar litlu, þá skilar það enn...
D´Hont hyllir þá stóru
Ef skoðaðar eru úthlutunarreglur stærðfræðingsins D´Hont þá sést hvernig stærri þeir flokkar sem fá fleiri atkvæði geta nýtt sér þau betur. Ég skoðaði skiptinguna á Kosningasögu og bætti við dálki: Versta nýtingin er hjá Framsókn eða um 12 prósent fylgi að baki bæjarfulltrúa. Besta nýtingin er [sem fyrr] hjá Sjálfstæðisflokki þó Björt framtíð sé á svipuðu róli. Spurningin...
Athugasemdir