Þessi færsla er meira en 9 ára gömul.
Kosningabaráttan hafin
Líklegast verður ekki kosið fyrr en í haust nema fleiri upplýsingar úr Panamaskjölunum bendi á fleiri ráðherra.
Ákvörðunin er söguleg. Einu sinni áður á lýðveldistímanum hefur samstjórn Framsóknar og Sjálfstæðisflokks setið skemur en fjögur ár. Það var 1956 en þá var megn óánægja í Framsóknarflokknum vegna efnahagsmála. Þórarinn Þórarinsson ritstjóri Tímans skrifar:
"Eins og kunnugt er, var það flokksþing Framsóknarmanna, er tók þá ákvörðun, að stjórnarsamstarfið skyldi rofið. Þingflokkur Framsóknarflokksins hefur hins vegar talið rétt, að sú ályktun flokksþingsins kæmi ekki til framkvæmda fyrr en búið var að tryggja framgang laga um atvinnuleysistryggingarnar, en núverandi stjórn lofaði því við lausn verkfallsins í fyrra, að slík löggjöfskyldi sett á þessu þingi."
Aðstæður nú eru hins vegar aðrar. Nú hrökklast ríkisstjórn frá vegna spillingar.
En kosningabaráttan er hafin þó ekki verði kosið fyrr en í haust. Allir bjuggust við að þingið 2016-2017 yrði kosningaþing. Svo verður ekki en núverandi þing breytist hins vegar í kosningaþing.
Það er því með öllu óljóst hvaða mál verða afgreidd á þessu þingi þar sem pólitískur ágreiningur er um.
Stjórnarskrárbreytingar því ekki á dagskrá eina ferðina enn.
Fleiri færslur frá höfundi
Á ekki samleið með Snæbirni
Snæbjörn Brynjarsson eða listflakkarinn bloggar á Stundinni. Mér skilst einnig að hann sé varaþingmaður Pírata. Síðasta blogg hans um látinn mann, sannarlega umdeildan, eru ósæmileg jafnvel sjúkleg. Á meðan hann bloggar á Stundinni tjái ég mig á öðrum vettfangi. Við eigum ekki samleið.
Um hvað verður kosið?
Þegar þetta er skráð er rétt rúmlega helmingur kjósenda búin að ákveða sig hvar krossinn lendir. Margir skipta um skoðun í kjörklefanum en það virðist jafnast út. Það sem vekur athygli er að flokkarnir eru með óvenju líkar áherslur þó útfærslan sé mismunandi. Sveitarstjórnakosningar einkennast af persónukjöri. Flokkarnir skipuleggja samkomur og fundi, auglýsa sem enginn er morgundagurinn. Sjálfur tók ég...
Á að leyfa flengingar?
Svarið er auðvitað nei. En stórveldin eru einmitt þessa dagana að beita flengingarrökunum. ”Efnavopnaárás verður ekki liðin og eina leið gegn slíku er harðar aðgerðir” , segja ráðamenn. Mér finnst ekki nægjanlega koma skýrt fram hjá íslenskum stjórnvöldum hvort það styður áframhaldandi “flengingar” . Á sama hátt og varð ljóst í uppeldi að flengingar skilar litlu, þá skilar það enn...
D´Hont hyllir þá stóru
Ef skoðaðar eru úthlutunarreglur stærðfræðingsins D´Hont þá sést hvernig stærri þeir flokkar sem fá fleiri atkvæði geta nýtt sér þau betur. Ég skoðaði skiptinguna á Kosningasögu og bætti við dálki: Versta nýtingin er hjá Framsókn eða um 12 prósent fylgi að baki bæjarfulltrúa. Besta nýtingin er [sem fyrr] hjá Sjálfstæðisflokki þó Björt framtíð sé á svipuðu róli. Spurningin...
Athugasemdir