Þessi færsla er meira en 9 ára gömul.
Hættulega fólkið hans Sigmundar
Það má segja að eftirfarandi orð forsætisráðherra hafi vakið mig í morgun og vakið athygli:
-Hættulegir menn í röðum flóttafólks
Forsætisráðherra nefndi sem dæmi hinn mikla straumflóttafólks sem nú liggur til Evrópu. „Jafnvel tugþúsundir á dag, þá segir það sig sjálft að þar á milli getur leynst hættulegt fólk. Eins og hefur sést núna. En menn hafa ekki viljað segja þetta vegna þess hvernig þetta kynni að verða túlkað,“ sagði Sigmundur en vildi þó meina að þar væru kollegar hans forstætisráðherrarnir að vanmeta almenning.- (Bítið 16.11.2015)
Hér er farin þekkt leið þeirra sem vilja stjórna með ótta. Því komið inn að með flóttafólki komi hryðjuverkamenn. Þess vegna eigi að stöðva og varna örvingluðu og örþreyttu flóttafólki að komast í vernd í vestrænum heimi.
Getur einhver sagt manninum að af þeim átta sem frömdu hin blóðugu grimmdarverk í París eru þrír Frakkar sem bjuggu og ólust upp í París og a.m.k. tveir sem ólust upp í Brussel í Belgíu.
Veit hann þetta ekki?
Sigmundur nefnir svo í sviga að hann sé ekki einn um þessa skoðun. Þetta sé almenn skoðun ráðamanna þegar hljóðnemar séu fjarri.
Ég man ekki eftir jafn furðulegum orðum forverum Sigmundar.
Hér þarf maðurinn að tala skýrar.
Fleiri færslur frá höfundi
Á ekki samleið með Snæbirni
Snæbjörn Brynjarsson eða listflakkarinn bloggar á Stundinni. Mér skilst einnig að hann sé varaþingmaður Pírata. Síðasta blogg hans um látinn mann, sannarlega umdeildan, eru ósæmileg jafnvel sjúkleg. Á meðan hann bloggar á Stundinni tjái ég mig á öðrum vettfangi. Við eigum ekki samleið.
Um hvað verður kosið?
Þegar þetta er skráð er rétt rúmlega helmingur kjósenda búin að ákveða sig hvar krossinn lendir. Margir skipta um skoðun í kjörklefanum en það virðist jafnast út. Það sem vekur athygli er að flokkarnir eru með óvenju líkar áherslur þó útfærslan sé mismunandi. Sveitarstjórnakosningar einkennast af persónukjöri. Flokkarnir skipuleggja samkomur og fundi, auglýsa sem enginn er morgundagurinn. Sjálfur tók ég...
Á að leyfa flengingar?
Svarið er auðvitað nei. En stórveldin eru einmitt þessa dagana að beita flengingarrökunum. ”Efnavopnaárás verður ekki liðin og eina leið gegn slíku er harðar aðgerðir” , segja ráðamenn. Mér finnst ekki nægjanlega koma skýrt fram hjá íslenskum stjórnvöldum hvort það styður áframhaldandi “flengingar” . Á sama hátt og varð ljóst í uppeldi að flengingar skilar litlu, þá skilar það enn...
D´Hont hyllir þá stóru
Ef skoðaðar eru úthlutunarreglur stærðfræðingsins D´Hont þá sést hvernig stærri þeir flokkar sem fá fleiri atkvæði geta nýtt sér þau betur. Ég skoðaði skiptinguna á Kosningasögu og bætti við dálki: Versta nýtingin er hjá Framsókn eða um 12 prósent fylgi að baki bæjarfulltrúa. Besta nýtingin er [sem fyrr] hjá Sjálfstæðisflokki þó Björt framtíð sé á svipuðu róli. Spurningin...
Athugasemdir