Þessi færsla er meira en 9 ára gömul.
Grein Svans Kristjánssonar um prófkjör
Í dag fjalla ég um merkilega grein Svans Kristjánssonar, prófessors, sem birtist í TMM 2014, um prófkjör. Aðallega fjallar hann um baráttu manna innan Samfylkingarinnar í prófkjörum. Gefum Svani orðið:
-Í bókinni Ár drekans eru magnaðar lýsingar á prófkjörum Samfylkingarinnar haustið 2012. Ekki bara í Reykjavík þar sem haldið var sameiginlegt prófkjör Samfylkingarinnar fyrir bæði Reykjavíkurkjördæmin heldur einnig í Suðvestur kjördæmi, Kraganum.[...]
Harkan í prófkjörinu í Reykjavík er gífurleg og sjálfur segist Össur aldrei hafa fundið jafn mikla heift í þeim sjö prófkjörum sem hann hafi tekið þátt í. (bls. 333).[...]
Frá sjónarmiði Össurar er hörð barátta nauðsynleg. Hann á einfaldlega í átökum við harðvítuga andstæðinga lýðræðis innan Samfylkingarinnar sem vilja opnu prófkjörin feig.-
-0-
Þetta er rifjað upp vegna þess að Samfylkingin stendur frammi fyrir nokkrum verkefnum:
Í fyrsta lagi þarf flokkurinn að kjósa sér formann sem þokkanleg sátt verður um.
Í öðru lagi þarf flokkurinn, á sama tíma, að móta sér stefnu og ákveða baráttumál í næstu kosningum.
Í þriðja lagi þarf flokkurinn að velja á framboðslista um land allt, þar á meðal í Reykjavík og Kraganum.
Það er ekki einboðið að sáttartónninn sé meiri og samhljóma í þetta sinn.
Svanur hefur skoðun á prófkjörum:
-Svo skrifað sé af hreinskilni: Að mínu mati hafa prófkjörin að mestu rústað íslenskum stjórnmálaflokkum sem samfélögum fólks um sameiginlegar hugsjónir. Prófkjörin hafa einnig stuðlað að vanþróun lýðræðis í landinu með margvíslegum hætti. Og síðast en ekki síst: Prófkjörin næra verri hliðarnar í okkur öllum, sérgæskuna, valdagræðgina og framapotið.-
-0-
Þetta verður ekki skýrara sagt.
Enn fremur segir Svanur að lokum:
-Leikreglur í stjórnmálum skipta nefnilega máli: Við eiga ekki að hafa leikreglur í stjórnmálum sem að breyta prestssyni - eins og Árni Páll Árnason er - í „villidýr“ eða umturna doktor í lífeðlisfræði yfir í yfirherforingja í baráttusveit gegn ímynduðum lærisveinum Lenins - sem reyndar eru í sama stjórnmálaflokki og hann sjálfur!-
-0-
Að hluta til koma inn á sviðið nýir leikendur og nýir hættir.
Það er því fróðlegt að fylgjast með atburðum næstu missera og hvort Svanur Kristjánsson sé sannspár.
Fleiri færslur frá höfundi
Á ekki samleið með Snæbirni
Snæbjörn Brynjarsson eða listflakkarinn bloggar á Stundinni. Mér skilst einnig að hann sé varaþingmaður Pírata. Síðasta blogg hans um látinn mann, sannarlega umdeildan, eru ósæmileg jafnvel sjúkleg. Á meðan hann bloggar á Stundinni tjái ég mig á öðrum vettfangi. Við eigum ekki samleið.
Um hvað verður kosið?
Þegar þetta er skráð er rétt rúmlega helmingur kjósenda búin að ákveða sig hvar krossinn lendir. Margir skipta um skoðun í kjörklefanum en það virðist jafnast út. Það sem vekur athygli er að flokkarnir eru með óvenju líkar áherslur þó útfærslan sé mismunandi. Sveitarstjórnakosningar einkennast af persónukjöri. Flokkarnir skipuleggja samkomur og fundi, auglýsa sem enginn er morgundagurinn. Sjálfur tók ég...
Á að leyfa flengingar?
Svarið er auðvitað nei. En stórveldin eru einmitt þessa dagana að beita flengingarrökunum. ”Efnavopnaárás verður ekki liðin og eina leið gegn slíku er harðar aðgerðir” , segja ráðamenn. Mér finnst ekki nægjanlega koma skýrt fram hjá íslenskum stjórnvöldum hvort það styður áframhaldandi “flengingar” . Á sama hátt og varð ljóst í uppeldi að flengingar skilar litlu, þá skilar það enn...
D´Hont hyllir þá stóru
Ef skoðaðar eru úthlutunarreglur stærðfræðingsins D´Hont þá sést hvernig stærri þeir flokkar sem fá fleiri atkvæði geta nýtt sér þau betur. Ég skoðaði skiptinguna á Kosningasögu og bætti við dálki: Versta nýtingin er hjá Framsókn eða um 12 prósent fylgi að baki bæjarfulltrúa. Besta nýtingin er [sem fyrr] hjá Sjálfstæðisflokki þó Björt framtíð sé á svipuðu róli. Spurningin...
Athugasemdir