Þessi færsla er meira en 10 ára gömul.
FORSETINN ÁKVEÐUR!
Kennarinn minn Svanur Kristjánsson hafði rétt fyrir sér. Óskýrleiki stjórnarskrárinnar og ófyrirséður forseti er römm blanda. Það eina sem Svanur gerði, líkt og jarð- eða veðurfræðingur er að beita vísindunum. Því miður hafa heyrst hæðnishlátur úr Lögbergi. Slíkur hlátur hljóðnaði 2004 við beitingu 26.greinarinnar.
Og aftur hljóðnaði í dag.
Viðbrögð forsetans um að hafna forsætisráðherra er dæmafá en ekki einsdæmi. Árin 1931 og 1974 eru efnd í mínu námi.
Sem Svanur benti á, aftur og aftur, er að hér ríki forsetaþingræði.
Björg Thorarensen prófessor í lögum sagði réttilega að með þessu stígi forsetinn inn í hring stjórnmálanna.
Mikið rétt! Þannig virkar forseta stjórnskipan Íslands miðað við núverandi stjórnarskrá sem stjórnmálastéttin móast við að breyta.
Ég vil þakka Ólafi Ragnari Grímssyni forseta Íslands að taka forsætisráðherra í kennslustund í stjórnskipan.
Í lokin svo þakkir til Svans Kristjánssonar fyrir afburða fræðimennsku.
Fleiri færslur frá höfundi
Á ekki samleið með Snæbirni
Snæbjörn Brynjarsson eða listflakkarinn bloggar á Stundinni. Mér skilst einnig að hann sé varaþingmaður Pírata. Síðasta blogg hans um látinn mann, sannarlega umdeildan, eru ósæmileg jafnvel sjúkleg. Á meðan hann bloggar á Stundinni tjái ég mig á öðrum vettfangi. Við eigum ekki samleið.
Um hvað verður kosið?
Þegar þetta er skráð er rétt rúmlega helmingur kjósenda búin að ákveða sig hvar krossinn lendir. Margir skipta um skoðun í kjörklefanum en það virðist jafnast út. Það sem vekur athygli er að flokkarnir eru með óvenju líkar áherslur þó útfærslan sé mismunandi. Sveitarstjórnakosningar einkennast af persónukjöri. Flokkarnir skipuleggja samkomur og fundi, auglýsa sem enginn er morgundagurinn. Sjálfur tók ég...
Á að leyfa flengingar?
Svarið er auðvitað nei. En stórveldin eru einmitt þessa dagana að beita flengingarrökunum. ”Efnavopnaárás verður ekki liðin og eina leið gegn slíku er harðar aðgerðir” , segja ráðamenn. Mér finnst ekki nægjanlega koma skýrt fram hjá íslenskum stjórnvöldum hvort það styður áframhaldandi “flengingar” . Á sama hátt og varð ljóst í uppeldi að flengingar skilar litlu, þá skilar það enn...
D´Hont hyllir þá stóru
Ef skoðaðar eru úthlutunarreglur stærðfræðingsins D´Hont þá sést hvernig stærri þeir flokkar sem fá fleiri atkvæði geta nýtt sér þau betur. Ég skoðaði skiptinguna á Kosningasögu og bætti við dálki: Versta nýtingin er hjá Framsókn eða um 12 prósent fylgi að baki bæjarfulltrúa. Besta nýtingin er [sem fyrr] hjá Sjálfstæðisflokki þó Björt framtíð sé á svipuðu róli. Spurningin...
Athugasemdir