Þessi færsla er meira en 9 ára gömul.
Forseti kveður og þó
Það eru vegamót í lífi þjóðar þegar forseti lýðveldis kveður eftir langa setu í forsetastól. Ólafur Ragnar Grímsson hefur setið forseta lengst eða nær þriðjung lýðveldistímans. Tuttugu ár er langur tími í embætti og rök styðja að slíkt sé ekki hollt stjórnskipan og framgang lýðræðis.
En það er óumdeilt að Ólafur Ragnar fer í sögubækur sem merkur forseti. Hann umbreytti í raun stjórnskipan landsins í átt að forsetaþingræðis, áréttaði í áramótaávarpinu nú, að hann og þjóðin færu með endanlegt löggjafarvald.
Samt voru í ræðu forsetans skilningur sem er hæpinn. Hann talar um "sátt í stjórnarskrármálinu". Þarna lítisvirðir hann þjóðarviljann sem honum er svo annt um. Yfirgnæfandi kjósenda samþykktu það í þjóðaratkvæðagreiðslu að byggja á frumvarpi Stjórnlagaráðs. Forsetinn hunsar þann vilja. Talar eins og sá atburður hafi ekki gerst.
Forsetinn er að hætta en þó ekki. Hann býður fram þjónustu sína á sviði heimskautarmála. Verði e.k. sendiherra þjóðarinnar á þeim vettvangi.
Ekki veit ég hversu heppilegt það sé. Ólafur Ragnar er rúmfrek persóna.
En á þessum tímamótum er ógerlegt að segja til um hversu mörg forsetaefnin verða. Minn hugur segir mér að nú verði leitað að kvenforseta.
Forsetaembættið er orðið pólitískara en áður og horft verður til reynslu forsetaefna hvað það varðar.
Spennandi ár framundan, fyrst forsetakosningar og síðan prófkjör flokkana að hausti.
Fleiri færslur frá höfundi
Á ekki samleið með Snæbirni
Snæbjörn Brynjarsson eða listflakkarinn bloggar á Stundinni. Mér skilst einnig að hann sé varaþingmaður Pírata. Síðasta blogg hans um látinn mann, sannarlega umdeildan, eru ósæmileg jafnvel sjúkleg. Á meðan hann bloggar á Stundinni tjái ég mig á öðrum vettfangi. Við eigum ekki samleið.
Um hvað verður kosið?
Þegar þetta er skráð er rétt rúmlega helmingur kjósenda búin að ákveða sig hvar krossinn lendir. Margir skipta um skoðun í kjörklefanum en það virðist jafnast út. Það sem vekur athygli er að flokkarnir eru með óvenju líkar áherslur þó útfærslan sé mismunandi. Sveitarstjórnakosningar einkennast af persónukjöri. Flokkarnir skipuleggja samkomur og fundi, auglýsa sem enginn er morgundagurinn. Sjálfur tók ég...
Á að leyfa flengingar?
Svarið er auðvitað nei. En stórveldin eru einmitt þessa dagana að beita flengingarrökunum. ”Efnavopnaárás verður ekki liðin og eina leið gegn slíku er harðar aðgerðir” , segja ráðamenn. Mér finnst ekki nægjanlega koma skýrt fram hjá íslenskum stjórnvöldum hvort það styður áframhaldandi “flengingar” . Á sama hátt og varð ljóst í uppeldi að flengingar skilar litlu, þá skilar það enn...
D´Hont hyllir þá stóru
Ef skoðaðar eru úthlutunarreglur stærðfræðingsins D´Hont þá sést hvernig stærri þeir flokkar sem fá fleiri atkvæði geta nýtt sér þau betur. Ég skoðaði skiptinguna á Kosningasögu og bætti við dálki: Versta nýtingin er hjá Framsókn eða um 12 prósent fylgi að baki bæjarfulltrúa. Besta nýtingin er [sem fyrr] hjá Sjálfstæðisflokki þó Björt framtíð sé á svipuðu róli. Spurningin...
Athugasemdir