Þessi færsla er meira en 10 ára gömul.
"Flókið en einfalt."
Meðfylgjandi þessu bloggi er það sem Sigmundur Davíð Gunnlaugsson sagði um verðtryggingu fyrir kosningar. Hér er svo ein útgáfa eftir kosningar;
"Verðtryggingin verður afnumin af neytendalánum á kjörtímabilinu. Það er einfalt en flókið og umfangsmikið verk, að sögn Sigmundar Davíðs Gunnlaugssonar forsætisráðherra. Katrín Jakobsdóttir, formaður VG, spurði Sigmund á Alþingi í dag hvort og hvernig verðtryggingin verði afnumin af neytendalánum." (13.október 2015).
Þegar svo þingmenn spyrja um efndir sést í iljarnar á forsætisráðherra út úr þingsalnum, sumir töldu flóttann vera kökuleit. Það á því vísan;
Jæja þá, í þetta sinn
þér er heimil ólin.
En hvenær koma, kæri minn,
kakan þín og jólin? [les. Verðtrygging].
Þorsteinn Erlingsson
Ég legg til að stjórnarandstaðan gefi forsætisráðherra perusúkkulaðiköku þegar verðtryggingarfrumvarpið verður lagt fram.
Fleiri færslur frá höfundi
Á ekki samleið með Snæbirni
Snæbjörn Brynjarsson eða listflakkarinn bloggar á Stundinni. Mér skilst einnig að hann sé varaþingmaður Pírata. Síðasta blogg hans um látinn mann, sannarlega umdeildan, eru ósæmileg jafnvel sjúkleg. Á meðan hann bloggar á Stundinni tjái ég mig á öðrum vettfangi. Við eigum ekki samleið.
Um hvað verður kosið?
Þegar þetta er skráð er rétt rúmlega helmingur kjósenda búin að ákveða sig hvar krossinn lendir. Margir skipta um skoðun í kjörklefanum en það virðist jafnast út. Það sem vekur athygli er að flokkarnir eru með óvenju líkar áherslur þó útfærslan sé mismunandi. Sveitarstjórnakosningar einkennast af persónukjöri. Flokkarnir skipuleggja samkomur og fundi, auglýsa sem enginn er morgundagurinn. Sjálfur tók ég...
Á að leyfa flengingar?
Svarið er auðvitað nei. En stórveldin eru einmitt þessa dagana að beita flengingarrökunum. ”Efnavopnaárás verður ekki liðin og eina leið gegn slíku er harðar aðgerðir” , segja ráðamenn. Mér finnst ekki nægjanlega koma skýrt fram hjá íslenskum stjórnvöldum hvort það styður áframhaldandi “flengingar” . Á sama hátt og varð ljóst í uppeldi að flengingar skilar litlu, þá skilar það enn...
D´Hont hyllir þá stóru
Ef skoðaðar eru úthlutunarreglur stærðfræðingsins D´Hont þá sést hvernig stærri þeir flokkar sem fá fleiri atkvæði geta nýtt sér þau betur. Ég skoðaði skiptinguna á Kosningasögu og bætti við dálki: Versta nýtingin er hjá Framsókn eða um 12 prósent fylgi að baki bæjarfulltrúa. Besta nýtingin er [sem fyrr] hjá Sjálfstæðisflokki þó Björt framtíð sé á svipuðu róli. Spurningin...
Athugasemdir