Þessi færsla er meira en 8 ára gömul.
Fjögurra flokka stjórn í spilunum
Nú þegar athyglin fer frá fríi og forseta til stjórnmálanna er ljóst að mikil tíðindi eru í vændum.
Alþingi kemur saman eftir tvær vikur og miklu skiptir að gott samkomulag verði um dagskrá þingsins og kosningar.
Í spilum stjórnmálanna höfum við nú þegar fengið að sjá á nokkur spil.
Það er ljóst miðað við yfirlýsingar Vinstri grænna, Pírata og Samfylkingar að tveggja flokka stjórn er ekki kostur.
Með þessari yfirlýsingu er ólíklegt að forseti feli formönnum stjórnarflokkana umboð til stjórnarmyndunar.
Líklegast er að hann feli Pírötum að fara fyrsta hringinn og þriggja flokka stjórn sé markmiðið.
Svo gæti farið að niðurstaðan verði stjórn Pírata, Samfylkingar og Vinstri grænna, undir forsæti Katrínar Jakobsdóttur formanns Vg.
Þá er einnig í spilunum að bjóða Viðreisn að stjórnarborðinu sem gerði stjórnina sterkari og fjölbreyttari.
Aðrar þriggja flokka stjórnir gætu komið upp úr kjörkössunum, t.d. stjórn Vinstri grænna, Viðreisnar og Pírata.
Kannanir og svo kosningaúrslit munu endanlega sýna kapalinn.
Fleiri færslur frá höfundi
Á ekki samleið með Snæbirni
Snæbjörn Brynjarsson eða listflakkarinn bloggar á Stundinni. Mér skilst einnig að hann sé varaþingmaður Pírata. Síðasta blogg hans um látinn mann, sannarlega umdeildan, eru ósæmileg jafnvel sjúkleg. Á meðan hann bloggar á Stundinni tjái ég mig á öðrum vettfangi. Við eigum ekki samleið.
Um hvað verður kosið?
Þegar þetta er skráð er rétt rúmlega helmingur kjósenda búin að ákveða sig hvar krossinn lendir. Margir skipta um skoðun í kjörklefanum en það virðist jafnast út. Það sem vekur athygli er að flokkarnir eru með óvenju líkar áherslur þó útfærslan sé mismunandi. Sveitarstjórnakosningar einkennast af persónukjöri. Flokkarnir skipuleggja samkomur og fundi, auglýsa sem enginn er morgundagurinn. Sjálfur tók ég...
Á að leyfa flengingar?
Svarið er auðvitað nei. En stórveldin eru einmitt þessa dagana að beita flengingarrökunum. ”Efnavopnaárás verður ekki liðin og eina leið gegn slíku er harðar aðgerðir” , segja ráðamenn. Mér finnst ekki nægjanlega koma skýrt fram hjá íslenskum stjórnvöldum hvort það styður áframhaldandi “flengingar” . Á sama hátt og varð ljóst í uppeldi að flengingar skilar litlu, þá skilar það enn...
D´Hont hyllir þá stóru
Ef skoðaðar eru úthlutunarreglur stærðfræðingsins D´Hont þá sést hvernig stærri þeir flokkar sem fá fleiri atkvæði geta nýtt sér þau betur. Ég skoðaði skiptinguna á Kosningasögu og bætti við dálki: Versta nýtingin er hjá Framsókn eða um 12 prósent fylgi að baki bæjarfulltrúa. Besta nýtingin er [sem fyrr] hjá Sjálfstæðisflokki þó Björt framtíð sé á svipuðu róli. Spurningin...
Athugasemdir