Þessi færsla er meira en 9 ára gömul.
"Ekkert var rætt undir þessum lið."
Það eru nú ekki stórbrotnar fregnir sem berast úr núverandi stjórnarskrárnefnd:
45. fundur stjórnarskrárnefndar
Mánudaginn 11. janúar 2016
Dagskrá
Fundargerð síðasta fundar
Heildardrög að frumvarpi
Önnur mál
Fundargerð
45. fundur – haldinn mánudaginn 11. janúar 2016, kl. 15.00, í Safnahúsinu, Reykjavík.
Mættir voru eftirtaldir: Páll Þórhallsson, formaður, Aðalheiður Ámundadóttir, Birgir Ármannsson, Einar Hugi Bjarnason, Jón Kristjánsson, Katrín Jakobsdóttir, Valgerður Bjarnadóttir og Valgerður Gunnarsdóttir. Forföll höfðu verið boðuð af ftr. Bjartrar framtíðar.
Þá sat fundinn Sif Guðjónsdóttir, lögfræðingur á löggjafarskrifstofu forsætisráðuneytis og ritari nefndarinnar.
1. Fundargerð síðasta fundar
Fundargerð 44. fundar, sem haldinn var miðvikudaginn 30. desember 2015, var samþykkt án athugasemda.
2. Heildardrög að frumvarpi
Rætt um stöðu og framhald.
3. Önnur mál
Ekkert var rætt undir þessum lið.
Fleira ekki gert og fundi slitið kl. 17.30.
-
Mér er algjörlega fyrirmunað að skilja hvað hægt sé að ræða um á 2 1/2 klukkustund enn og aftur um breytingar á stjórnarskrá. Ef við gerum ráð fyrir að þetta sé sá meðaltalstími sem fundað er þá hefur nefndin rætt um þess fjóru punkta í rúmar 100 klst. Augljóst er að það er verið að draga fólk á asnaeyrunum.
Aðallega þá sem vilja raunverulegar breytingar og það strax. Má ekki a.m.k. bóka lappadráttinn undir liðnum önnur mál?
Eru allir sofnaðir?
Fleiri færslur frá höfundi
Á ekki samleið með Snæbirni
Snæbjörn Brynjarsson eða listflakkarinn bloggar á Stundinni. Mér skilst einnig að hann sé varaþingmaður Pírata. Síðasta blogg hans um látinn mann, sannarlega umdeildan, eru ósæmileg jafnvel sjúkleg. Á meðan hann bloggar á Stundinni tjái ég mig á öðrum vettfangi. Við eigum ekki samleið.
Um hvað verður kosið?
Þegar þetta er skráð er rétt rúmlega helmingur kjósenda búin að ákveða sig hvar krossinn lendir. Margir skipta um skoðun í kjörklefanum en það virðist jafnast út. Það sem vekur athygli er að flokkarnir eru með óvenju líkar áherslur þó útfærslan sé mismunandi. Sveitarstjórnakosningar einkennast af persónukjöri. Flokkarnir skipuleggja samkomur og fundi, auglýsa sem enginn er morgundagurinn. Sjálfur tók ég...
Á að leyfa flengingar?
Svarið er auðvitað nei. En stórveldin eru einmitt þessa dagana að beita flengingarrökunum. ”Efnavopnaárás verður ekki liðin og eina leið gegn slíku er harðar aðgerðir” , segja ráðamenn. Mér finnst ekki nægjanlega koma skýrt fram hjá íslenskum stjórnvöldum hvort það styður áframhaldandi “flengingar” . Á sama hátt og varð ljóst í uppeldi að flengingar skilar litlu, þá skilar það enn...
D´Hont hyllir þá stóru
Ef skoðaðar eru úthlutunarreglur stærðfræðingsins D´Hont þá sést hvernig stærri þeir flokkar sem fá fleiri atkvæði geta nýtt sér þau betur. Ég skoðaði skiptinguna á Kosningasögu og bætti við dálki: Versta nýtingin er hjá Framsókn eða um 12 prósent fylgi að baki bæjarfulltrúa. Besta nýtingin er [sem fyrr] hjá Sjálfstæðisflokki þó Björt framtíð sé á svipuðu róli. Spurningin...
Athugasemdir