Þessi færsla er meira en 9 ára gömul.
Beint lýðræði
Forsætisráðherra landsins sprettur oft undan steini. Síðasta stökkið var nú síðla sunnudags í þætti Eyjunnar hans Björns Inga.
Og það var umræðan um beint lýðræði. Beint lýðræði hefur kosti og galla. Ráðgefandi þjóðaratkvæðagreiðsla er í raun eini kostur alþingis. Einungis forsetinn getur boðið þjóðinni ákvörðunarrétt á lögum. Ef þjóðaratkvæðagreiðsla um verðtryggingu ætti að verða skuldbundin fyrir löggjafann þarf stjórnarskrárbreytingu.
En því miður skilur forsætisráðherrann ekki hver tilgangurinn er með beinu lýðræði. Í hans augum er það verkfæri til að höggva á hnút stjórnarinnar um verðtryggingu.
Ekki dettur honum í hug að nú þegar hafa stjórnvöld hunsað eina þjóðaratkvæðagreiðslu, þessa sem var í október 2012.
Það einkennilegasta í þessu máli er að sami forsætisráðherra hefur forðast að ræða verðtrygginguna á alþingi. Í heil tvö ár!
Ráðherrann kemur sífellt á óvart.
Fleiri færslur frá höfundi
Á ekki samleið með Snæbirni
Snæbjörn Brynjarsson eða listflakkarinn bloggar á Stundinni. Mér skilst einnig að hann sé varaþingmaður Pírata. Síðasta blogg hans um látinn mann, sannarlega umdeildan, eru ósæmileg jafnvel sjúkleg. Á meðan hann bloggar á Stundinni tjái ég mig á öðrum vettfangi. Við eigum ekki samleið.
Um hvað verður kosið?
Þegar þetta er skráð er rétt rúmlega helmingur kjósenda búin að ákveða sig hvar krossinn lendir. Margir skipta um skoðun í kjörklefanum en það virðist jafnast út. Það sem vekur athygli er að flokkarnir eru með óvenju líkar áherslur þó útfærslan sé mismunandi. Sveitarstjórnakosningar einkennast af persónukjöri. Flokkarnir skipuleggja samkomur og fundi, auglýsa sem enginn er morgundagurinn. Sjálfur tók ég...
Á að leyfa flengingar?
Svarið er auðvitað nei. En stórveldin eru einmitt þessa dagana að beita flengingarrökunum. ”Efnavopnaárás verður ekki liðin og eina leið gegn slíku er harðar aðgerðir” , segja ráðamenn. Mér finnst ekki nægjanlega koma skýrt fram hjá íslenskum stjórnvöldum hvort það styður áframhaldandi “flengingar” . Á sama hátt og varð ljóst í uppeldi að flengingar skilar litlu, þá skilar það enn...
D´Hont hyllir þá stóru
Ef skoðaðar eru úthlutunarreglur stærðfræðingsins D´Hont þá sést hvernig stærri þeir flokkar sem fá fleiri atkvæði geta nýtt sér þau betur. Ég skoðaði skiptinguna á Kosningasögu og bætti við dálki: Versta nýtingin er hjá Framsókn eða um 12 prósent fylgi að baki bæjarfulltrúa. Besta nýtingin er [sem fyrr] hjá Sjálfstæðisflokki þó Björt framtíð sé á svipuðu róli. Spurningin...
Athugasemdir