Þessi færsla er meira en 9 ára gömul.
Af hverju íhaldið vill skattaleynd
Enn á ný reisir frjálshyggjan frelsisfánanum og nú til varnar skattaleyndar. Skattgreiðslur eru samfélagsgreiðslur, félagsgjöld til samfélagsins.
Af hverju þurfa þær greiðslur að vera leyndó?
Hafa menn eitthvað að fela? Er ekki öllum ljóst að með skattskránni má áætla hvað hver aflar?
Því miður er það þannig að fólk skýtur undan skatti. Vinnur svart. Berst samt mikið á.
Skattayfirvöld þiggja gjarnan upplýsingar um fólk á lágmarkslaunum sem virðast geta ýmislegt sem gerir lífið bærilegra.
Ég man eftir hjónum í einu ágætu hverfi borgarinnar sem virtust hafa litlar tekjur en áttu tvo bíla, stórt hús og fóru oft til útlanda.
Samt vissu allir að þau ráku heildsölu og reyndar litla sælgætisverksmiðju í bílskúrnum.
Í landi frelsisins Bandaríkjunum getur fólk bent á íburði fólks til skattayfirvalda. Beri rannsókn árangur fær uppljóstrarinn skattaafslátt!
Skattagreiðslur manna er ekki hans einkamál.
Upplýstar skattagreiðslur eykur gegnsæi.
Hvað hafa sjálfstæðismenn að fela?
Fleiri færslur frá höfundi
Á ekki samleið með Snæbirni
Snæbjörn Brynjarsson eða listflakkarinn bloggar á Stundinni. Mér skilst einnig að hann sé varaþingmaður Pírata. Síðasta blogg hans um látinn mann, sannarlega umdeildan, eru ósæmileg jafnvel sjúkleg. Á meðan hann bloggar á Stundinni tjái ég mig á öðrum vettfangi. Við eigum ekki samleið.
Um hvað verður kosið?
Þegar þetta er skráð er rétt rúmlega helmingur kjósenda búin að ákveða sig hvar krossinn lendir. Margir skipta um skoðun í kjörklefanum en það virðist jafnast út. Það sem vekur athygli er að flokkarnir eru með óvenju líkar áherslur þó útfærslan sé mismunandi. Sveitarstjórnakosningar einkennast af persónukjöri. Flokkarnir skipuleggja samkomur og fundi, auglýsa sem enginn er morgundagurinn. Sjálfur tók ég...
Á að leyfa flengingar?
Svarið er auðvitað nei. En stórveldin eru einmitt þessa dagana að beita flengingarrökunum. ”Efnavopnaárás verður ekki liðin og eina leið gegn slíku er harðar aðgerðir” , segja ráðamenn. Mér finnst ekki nægjanlega koma skýrt fram hjá íslenskum stjórnvöldum hvort það styður áframhaldandi “flengingar” . Á sama hátt og varð ljóst í uppeldi að flengingar skilar litlu, þá skilar það enn...
D´Hont hyllir þá stóru
Ef skoðaðar eru úthlutunarreglur stærðfræðingsins D´Hont þá sést hvernig stærri þeir flokkar sem fá fleiri atkvæði geta nýtt sér þau betur. Ég skoðaði skiptinguna á Kosningasögu og bætti við dálki: Versta nýtingin er hjá Framsókn eða um 12 prósent fylgi að baki bæjarfulltrúa. Besta nýtingin er [sem fyrr] hjá Sjálfstæðisflokki þó Björt framtíð sé á svipuðu róli. Spurningin...
Athugasemdir