Þessi færsla er meira en 10 ára gömul.
Að virkja í huganum
Forsætisráðherra talaði af sér. Stjórnarsinnar hafa í sífellu bent á að það að færa virkjunarkost úr biðflokk í nýtingarflokk sé það sama og virkja. Skoðum freudíska tungu SDG:
"Af því að hér er talað mikið um faglegheit þá hefur verkefnisstjórn í öðrum áfanga fjallað um virkjunarkostina þrjá í Þjórsá, Skrokköldu og Hagavatn. Eins og bent var á hér áðan hefur Alþýðusambandið ítrekað beint því til þingsins að fylgja faglegri umfjöllun um rammaáætlun með því að setja þá virkjunarkosti sem upp voru taldir í nýtingarflokk. [i.e. Þjórsá og Skrokkalda]."
Forsætisráðherra staðhæfir að þessi breyting sé gerð að kröfu ASÍ!!
En er það svo?
RÚV:
„Rammaáætlun hefur aldrei verið nefnd í yfirstandandi kjaraviðræðum,“ segir Hannes G. Sigurðsson aðstoðarframkvæmdarstjóri Samtaka atvinnulífsins. Gylfi Arnbjörnsson forseti ASÍ telur breytingar á rammaáætlun ekki tengjast viðræðunum eða vera sérstakt innlegg í þær.
Mikil umræða skapaðist á þingi í gær eftir ummæli Sigmundar Davíðs Gunnlaugsson forsætisráðherra í fréttum RÚV um tengsl breytinga á rammaáætlun og kjaradeilna.-
Getur það verið að forsætisráðherra hafi bara dreymt þetta?
Fleiri færslur frá höfundi
Á ekki samleið með Snæbirni
Snæbjörn Brynjarsson eða listflakkarinn bloggar á Stundinni. Mér skilst einnig að hann sé varaþingmaður Pírata. Síðasta blogg hans um látinn mann, sannarlega umdeildan, eru ósæmileg jafnvel sjúkleg. Á meðan hann bloggar á Stundinni tjái ég mig á öðrum vettfangi. Við eigum ekki samleið.
Um hvað verður kosið?
Þegar þetta er skráð er rétt rúmlega helmingur kjósenda búin að ákveða sig hvar krossinn lendir. Margir skipta um skoðun í kjörklefanum en það virðist jafnast út. Það sem vekur athygli er að flokkarnir eru með óvenju líkar áherslur þó útfærslan sé mismunandi. Sveitarstjórnakosningar einkennast af persónukjöri. Flokkarnir skipuleggja samkomur og fundi, auglýsa sem enginn er morgundagurinn. Sjálfur tók ég...
Á að leyfa flengingar?
Svarið er auðvitað nei. En stórveldin eru einmitt þessa dagana að beita flengingarrökunum. ”Efnavopnaárás verður ekki liðin og eina leið gegn slíku er harðar aðgerðir” , segja ráðamenn. Mér finnst ekki nægjanlega koma skýrt fram hjá íslenskum stjórnvöldum hvort það styður áframhaldandi “flengingar” . Á sama hátt og varð ljóst í uppeldi að flengingar skilar litlu, þá skilar það enn...
D´Hont hyllir þá stóru
Ef skoðaðar eru úthlutunarreglur stærðfræðingsins D´Hont þá sést hvernig stærri þeir flokkar sem fá fleiri atkvæði geta nýtt sér þau betur. Ég skoðaði skiptinguna á Kosningasögu og bætti við dálki: Versta nýtingin er hjá Framsókn eða um 12 prósent fylgi að baki bæjarfulltrúa. Besta nýtingin er [sem fyrr] hjá Sjálfstæðisflokki þó Björt framtíð sé á svipuðu róli. Spurningin...
Athugasemdir