Áfram birtast upplýsingar úr Panamaskjölunum og nú er skrifað um Baugsveldið. Baugur samanstendur í upphafi af Hagkaupsauði og Bónusauði. Frumkvöðlarnir Pálmi í Hagkaup og Jóhannes í Bónus sköpuðu sinn auð með elju. Báðir vildu hag viðskiptavina sem bestan og eitt sinn heyrði ég hagfræðing telja að með aðkomu Bónusverslunnar hefði kaupmáttur launþega aukist um 5%. 

Þetta er gott og blessað og örugglega rétt.

Það er svo með annarri kynslóðinni þegar auðurinn safnast að það verður flókið að eiga peninga á Íslandi eins og forsætisráðherra sagði svo eftirminnilega.

Þáverandi eigendur Haga voru ekki beint í pólitík. En nærvera þeirra gat skapað skugga og ekki var vinagarður milli Morgunblaðsins og Bónusarfeðga.

En þetta er segin saga sem oftast var mótuð í réttarsölum talið í áratugum.

Nú er öll sagan sögð og í raun kemur ekki á óvart að skattaskjól voru notuð. 

Voru notuð af því það var hægt.

Með auði koma völd og til að viðhalda völdum þarf að eiga gjallarhorn.

Það eiga Baugs-menn og konur. Þau fjölmiðlarisann 365 sem þekur nær allt kallsvæðið nema það sem útgerðablaðið ræður ríkjum. 

Þess vegna er einfaldast að vísa í DV, Fréttablaðið eða jafnvel Eyjuna.

Það eru því 365 ástæður fyrir því að traust og tiltrú fólks á fjölmiðlum auðmanna þverr. 

Bestu rökin eru þau að þeir "safna auð með augun rauð."