Stundin kom út frá 2015 til 2022 og sameinaðist þá Kjarnanum og varð að Heimildinni.
Andri Snær Magnason sækir innblástur til ættingja sinna, meðal annars ömmu sinnar Huldu, sem 95 ára leggur á ráðin um svifflug og dvaldi langtímum á jökli. Einnig í blaðinu: 25 Íslendingar segja frá lærdómi ársins og Samherjaskjölin.
Myndlistarkonan Hulda Vilhjálmsdóttir ólst upp við geðræn veikindi móður sinnar, sem birtust í reiði en voru aldrei nefnd á nafn, og hefur barist fyrir tilverurétti sínum, börnunum og heimilinu. Einnig í blaðinu: Samherji í Marokkó.
Samherjaskjölin: „rannsóknarlögreglumaður“ Samherja leitaði leiða til að sleppa við skattgreiðslur af starfsfólki í Namibíu og Kristján Þór Júlíusson hefur verið samferða félaginu í áraraðir. Einnig í blaðinu: 25 ára samstarf Gusgus.
Samherjaskjölin, unnin í samstarfi við Kveik, Al Jazeera og WikiLeaks, eru forsíðuefni blaðsins: gögnin sýna hvernig Samherji komst yfir fiskveiðikvóta í Namibíu með mútugreiðslum til stjórnmála- og embættismanna og flutti hagnaðinn í skattaskjól.
„Allir í skólanum eru vinir mínir,“ segir Kevin, sem var fluttur með lögregluvaldi úr landi fyrir fjórum árum en ákvörðuninni var síðar snúið. Rætt er við fleiri sem fengu að vera og fjölskyldu sem var vísað burt og býr í skógi í Frakklandi.
Útrás GAMMA á vegum Gísla Haukssonar átti þátt í falli félagsins, og auðmenn tengdir skattaskjólum eiga í 1.300 íbúðum í gegnum það. Einnig í blaðinu: Ragnar Eiríksson, sem fékk Michelin-stjörnu og varð atvinnulaus.
Hópur íslenskra lögfræðinga hagnaðist gríðarlega á bónusum eftir hrunið og sumir eru enn að uppskera hundruð milljóna, en aðrir unnu á taxtalaunum. Einnig í blaðinu: fundur bankastjóra heima hjá Davíð Oddssyni 2006 og betra líf með dúkkubarn.
Norrænir nýnasistar dvöldu í skíðaskála í Bláfjöllum og fámennur hópur íslenskra nýnasista reynir að lokka unga pilta inn á aflokuð svæði á netinu. Einnig í blaðinu: leynisjóður Hreiðars Más og fordómar gegn fíknisjúklingum.
Konur sem komu til Íslands í leit að betra lífi segja frá því hvernig ofbeldisfullir eiginmenn héldu þeim inni á heimilinu, en dvalarleyfi bundið mökunum gaf mönnunum völd yfir lífi þeirra. Einnig í blaðinu: valdatafl í Kaupfélagi Skagfirðinga.
Listi yfir rúmlega tvö þúsund tekjuhæstu Íslendingana er birtur í fyrsta sinn: 300 manna hópur fékk 46 milljarða króna árið 2018 og meðal-Íslendingur væri 254 ár að vinna sér inn tekjur þess tekjuhæsta. Einnig í blaðinu: fátækar konur segja frá.
„Því miður er eins og engin fjölskylda sleppi,“ segir Karl Ágúst Úlfsson, sem hvetur fólk til að taka afstöðu gegn kynferðisofbeldi og krefjast heiðarleika. Einnig í blaðinu: Brynhildur Yrsa, sem ákvað að mæta nauðgara sínum.
Barnaverndarnefnd hefur beðið Víking Kristjánsson leikara afsökunar á vinnubrögðum sem leiddu til lögreglurannsóknar vegna ásökunar barnsmóður um kynferðisbrot gegn syni þeirra. Einnig í blaðinu: Zainab Safari og konur sem vara við brjóstapúðum.
Kristinn Hrafnsson, ritstjóri WikiLeaks, segir frá því að vera í sigti bandarískra yfirvalda sem refsa fyrir uppljóstranir. Einnig í blaðinu: Ingibjörg Lilja Þórmundsdóttir, læst í fangaklefa með ungbarn, og fjölmiðlafrelsi í heiminum.
Haraldur Johannessen ríkislögreglustjóri áreitti borgara með ólögmætum bréfasendingum í nafni embættisins, ársreikningar þess liggja óundirritaðir og eineltismál er til skoðunar. Einnig í blaðinu: Helgi Magnússon og umdeildar ilmkjarnaolíur.
Hamfarahlýnun af mannavöldum mun gjörbreyta Íslandi: jöklar hverfa, sjávarborð rís og veðurofsi eykst. Rætt er við fólk sem breytir lífsstíl sínum til að draga úr skaða. Einnig í blaðinu: kúlulán Eyþórs Arnalds fyrir Morgunblaðinu.
Ellen og Ingi Ragnarsbörn segja söguna af því þegar faðir þeirra var myrtur af bróður sínum á uppeldisbæ þeirra. Einnig í blaðinu: Eyþór Arnalds skuldar útgerð fyrir hlutinn í Morgunblaðinu og fólk með SMA fær ekki lyfin.
Skattaskjól Samherja er rakið til Kýpur, þar sem samstæðan á 20 milljarða króna eignir og greiðir sáralitla skatta; fiskur er seldur kýpverskum félögum en kemur aldrei þangað. Einnig í blaðinu: Toshiki Toma og launahæstu forstjórarnir.
Bryndís Helgadóttir fyrirsæta og móðir hennar segjast hafa verið í gíslingu indversks gúrús á hugleiðslusetri í Mexíkó, og upptökur sýna Bryndísi leggja á ráðin um launmorð á honum. Einnig í blaðinu: Skúli Mogensen í OZ og WOW.
Eigendur hótela sem vara við launahækkunum starfsfólks hafa hagnast um milljarða króna; eigendur einnar keðju hafa tekið 830 milljónir króna út í arð. Einnig í blaðinu: Engeyingar í hátíðniviðskiptum og Mazen Maarouf.
Sex konur lýsa kynferðislegri áreitni séra Gunnars Björnssonar við sig á barns- og unglingsaldri, en hann var sýknaður af ákæru um áreitni. Einnig í blaðinu: Bríet Finnsdóttir um intersex og móðir á flótta með tvö börn.
Forstjórar fengu fimm sinnum meiri launahækkun en lágtekjufólk í krónum talið. Einnig í blaðinu: Hjördís Ólafsdóttir, sem fórnar fjölskyldulífi fyrir yfirvinnu, rannsóknin á Samherja og endurkoma Pálma Haraldssonar.
Hreiðar Már Sigurðsson, fyrrverandi forstjóri Kaupþings, er snúinn aftur og umsvifamikill í fasteignakaupum með peningum frá Tortóla. Einnig í blaðinu: Magga Stína, sem reis upp úr ofbeldissambandi, og skattatilfærslan yfir á lágtekjufólk.
Íslensk stúlka var send í fóstur til Skotlands, og þegar móðir hennar lést tók fóstursonur móðurinnar, Júlíus Vífill Ingvarsson, við eignunum en dóttirin fékk engan arf. Einnig í blaðinu: konur í þjónustustörfum lýsa hegðun Jóns Baldvins.
Fjórar konur greina frá áreitni Jóns Baldvins Hannibalssonar, þeirra á meðal fyrrverandi nemendur hans í Hagaskóla, en hann hafnar ásökununum. Einnig í blaðinu: 330 tekjuhæstu Íslendingarnir, sem fengu 60 milljarða á einu ári.