Þetta hófst allt saman á fyrsta námsárinu

Tesmekkur minn ku vera nokkuð breskur þar sem ég kýs mjólk í minn tebolla. Eingöngu þó þegar um er að ræða svart te, enda engin þörf á að vera að sulla með mjólk í góðu rauðrunna- eða pip­ar­myntu­tei. Kaffi hefur aldrei verið stór hluti af mínu lífi og te hefur þar ein­göngu ráðið ríkjum í ein lík­leg­ast 17 ár. Þetta hófst allt saman á fyrsta náms­ári mínu í breskum háskóla þar sem ein sam­býl­iskvenna minna bank­aði upp á með rjúk­andi heitan tebolla með mjólk (og reyndar að mig minnir sykri sem ég hef ekki notað síðan) og sagði mér að ég myndi ekki end­ast eina önn án þess að kunna að drekka te. Hún hafði rétt fyrir sér enda mætti líkja tei í breskri menn­ingu á við það að segja jæja á íslensku. Bæði orðin má nota til að bjarga sér úr vand­ræða­legum aðstæðum, klappa ein­hverjum á bakið og hefja …