Kristrún Heiða Hauksdóttir hefur verið ráðin upplýsingafulltrúi mennta- og menningarmálaráðuneytis. Þetta kemur fram í tilkynningu frá ráðuneytinu.
Kristrún Heiða er með BA-próf í almennri bókmenntafræði og MA-próf í blaða- og fréttamennsku frá Háskóla Íslands. Hún starfaði áður sem kynningar- og verkefnastjóri hjá Forlaginu og þar áður hjá Þjóðleikhúsinu.
Kristrún Heiða hefur þegar hafið störf, segir í tilkynningunni.
Ráðuneytið auglýsti þann 16. desember síðastliðinn starf upplýsingafulltrúa ráðuneytisins laust til umsóknar. Umsóknarfrestur rann út 5. janúar síðastliðinn og bárust fimmtíu og átta umsóknir en níu voru dregnar tilbaka.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.























Athugasemdir