Hér fyrir neðan er mynd af forsíðu Verkamannsins frá 15. mars 1963 þar sem fjallað er um ræðu Gylfa Þ. Gíslasonar þáverandi menntamálaráðherra í tilefni 100 ára afmælis Þjóðminjasafnsins:
Ræða Gylfa er til marks um þá víðsýni og framfarahug sem var leiðarljós margra ráðherra og þingmanna sem stóðu að gömlu viðreisnarstjórninni. Nú um 55 árum seinna er það aumkunarvert að tónninn sem sleginn er í umfjöllun Verkamannsins endurómar ennþá í málgagni stórútgerðarinnar, þingræðum stóra Framsóknarflokksins og kórsöng
nátttrölla í Valhöll.
[adspot]Rétt er að nefna að ritstjóri Verkamannsins, Þorsteinn Jónatansson, endurskoðaði síðar afstöðu sína. Í umfjöllun hans um EFTA í Verkamanninum 20. des 1969 segir meðal annars „Hvort EFTA-aðild verður okkur til gagns eða ekki, er mest undir okkur sjálfum komið, jafnvel veltur það að öllu á framtaki og skipulagningu okkar sjálfra hér heima˝. Þorsteinn mun hafa fylgt Birni Jónssyni og Hannibal Valdimarssyni að málum þegar þeir yfirgáfu Alþýðubandalagið sjá t.d. hér.
Á komandi vetri ættu Evrópusinnaðir flokkar að leggja höfuðáherslu á að efla og útbreiða umræðuna um fulla aðild Íslands að Evrópusambandinu. Ávinningurinn af fullri aðild er óumdeildur ekki síst vegna möguleikans á upptöku evru og þar með notkun á traustum gjaldmiðli, lægri vaxtakostnaði og hagkvæmara fjármálakerfi.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir