Skilaboð sem sést hafa á umhverfisauglýsingaskiltum víða um höfuðborgarsvæðið í morgun eru hluti af nýrri auglýsingaherferð, en ekki verk einhverra tölvuþrjóta.
Þetta segja starfsmenn fyrirtækisins Billboard, sem meðal annars rekur auglýsingaskiltin sem eru í strætóskýlum borgarinnar.
Blaðamaður Kjarnans fékk þau svör hjá starfsmönnum Billboard að það kæmi í ljós kl. 14 í dag hvaða aðilar stæðu að baki þessari herferð, sem vakið hefur nokkra athygli á samfélagsmiðlum það sem af er degi.
[adspot]
Á strætóskýlum og fleiri auglýsingaskiltum mátti meðal annars lesa, á ensku, að það yrðu engar auglýsingar í dag heldur „bara ég og öll gögnin þín“, að einhverjum gögnum hefði verið læst og að 30 þúsund dollara greiðslu í rafmyntinni Bitcoin væri krafist.
Á auglýsingaskilti í grennd við Kringluna mátti meðal annars sjá mynd af hauskúpu og í frétt sem mbl.is birti sagði að líklegt mætti telja að „hrekkjóttur tölvuhakkari eða -hakkarar hafi verið þarna [að] verki og brotið sér leið inn í tölvukerfi skiltisins“ og svo látið að því liggja að tölvuáras hafi verið gerð í tilefni þess að í dag er hrekkjavökudagurinn.
Svo er hins vegar ekki, heldur er þarna um auglýsingaherferð að ræða, sem áður segir.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir