Þrjú ný tilfelli af veirunni sem veldur COVID-19 sjúkdómi voru staðfest á veirufræðideild Landspítala í kvöld. Þetta kemur fram í tilkynningu frá Almannavörnum ríkislögreglustjóra.
[links]Þar segir að um sé að ræða tvær konur og einn karl. Þau eru á sextugs- og fimmtugsaldri. „Af þessum tilfellum hafa tvö tengingu við Norður-Ítalíu en þessir einstaklingar komu til landsins frá Veróna á Ítalíu á laugardaginn (29.2.2020). Unnið er að smitrakningu á þriðja tilfellinu. Öll þrjú sýna einkenni COVID-19 sjúkdóms, en eru þó ekki mikið veik.“
Fyrr í dag var greint frá því að þrjú önnur smit höfðu greinst og því hefur fjölgað í hópi smitaðra um sex á sólarhring. Þeir eru nú níu talsins. Maðurinn sem greindist fyrstur Íslendinga með veiruna hefur verið útskrifaður af Landspítala og er nú í heimaeinangrun.
Hátt í 300 manns í sóttkví á landinu öllu
Hátt í 300 manns eru í sóttkví á landinu öllu.
Nánari upplýsingar um heimasóttkví má nálgast á vef landlæknis. Svo gæti farið að fleiri muni þurfa að fara í sóttkví á næstu dögum. Atvinnurekendur og stjórnendur á vinnumarkaði eru hvattir til að sýna stöðu þessa fólks skilning.
[adspot]„Það er vitað að fjöldi heilbrigðisstarfsmanna, ekki síst af Landspítala er á faraldsfæti en af hálfu Landspítala er verið að kortleggja um hve marga er að ræða. Því er líklegt að einhver fjöldi heilbrigðisstarfsmanna þurfi að fara í sóttkví sem varir í 14 daga. Þá er ljóst að íslenskt heilbrigðiskerfi er viðkvæmt og það gæti orðið afdrifaríkt ef upp kæmi smit hjá starfsmanni. Því vilja landlæknir, sóttvarnalæknir og almannavarnir biðla til heilbrigðisstarfsmanna að fresta öllum utanlandsferðum eftir því sem kostur er meðan það skýrist hvert umfang faraldursins verður,“ sagði í tilkynningunni sem send var út fyrr í dag.
Vinna að því að koma upplýsingum til fólks
Upplýsingateymi almannavarnadeildar ríkislögreglustjóra vinnur að því að koma upplýsingum um COVID-19 til þeirra sem teljast til viðkvæmra hópa. Þetta eru til að mynda aldraðir einstaklingar og þeir sem eru með undirliggjandi sjúkdóma. Þetta verður gert í samráði við sjúklingasamtök, fagfélög og hagsmunahópa þessara einstaklinga.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Covid-19
Fleiri smitast af hinni banvænu Nipah-veiru
Heilbrigðisyfirvöld grípa til sóttkvíar eftir Nipah-smittilfelli á Indlandi
Veira dreifist hratt um Evrópu
Sérfræðingar vara við nýjum heimsfaraldri
Suður-Súdan glímir við versta kólerufaraldurinn í 20 ár
Athugasemdir