Körlum sem búa á Íslandi hefur fjölgað um 18.960 frá lokum árs 2011. Á sama tíma hefur konum fjölgað um 12.530 talsins. Körlum hefur því fjölgað umfram konur um 6.430 á rúmum sex árum og eru nú 177.600, en konur 170.850. Karlar eru því 6.750 fleiri en konur eins og er. Þetta má lesa út úr nýbirtum tölum Hagstofu Íslands.
[links]Þar kemur fram að hlutfall karla hafi verið 50,2 prósent af heildaríbúafjölda Íslands í lok árs 2011 en er nú um 51 prósent. Samkvæmt mannfjöldaspá mun þessi þróun halda áfram næstu árin. Í byrjun árs 2022 munu karlar til að mynda verða orðnir 10.669 fleiri en konur samkvæmt miðspá Hagstofu Íslands og 13.599 fleiri samkvæmt háspá hennar.
Langflestir sem hingað koma eru karlar, enda mikil eftirspurn eftir vinnuafli í greinum þar sem þeir eru líklegri til að starfa í, sérstaklega byggingaiðnaði. Í fyrra fluttu 7.888 erlendir ríkisborgarar til landsins umfram brottflutta. Þar af voru 5.309 karlar, sem þýðir að tveir karlar með erlent ríkisfang fluttu til landsins fyrir hverja konu sem það gerði.
Erlendir ríkisborgarar gætu orðið 17 prósent landsmanna innan skamms
Í mannfjöldaspánni, sem var birt í lok október 2017, mun aðfluttum umfram brottflutta á Íslandi fjölga um 18.266 frá byrjun árs 2018 til 1. janúar 2021 samkvæmt miðspá. Samkvæmt háspá mun þeim fjölga um 28.584 á tímabilinu. Í þessum hópi eru nánast einvörðungu erlendir ríkisborgarar sem flytja til Íslands.
[adspot]Gangi þær spár eftir verða erlendir ríkisborgarar á Íslandi á bilinu 55 til 65 þúsund 1. janúar 2021. Mannfjöldaspáin gerir ráð fyrir því að fjöldi Íslendinga verði 368-376 þúsund í byrjun árs 2021. Það þýðir að þeir verði 15-17 prósent þjóðarinnar eftir tvö og hálft ár. Í lok mars síðastliðins voru þeir 11,2 prósent allra íbúa landsins.
Erlendum ríkisborgurum sem búa á Íslandi hefur fjölgað um 89 prósent frá lokum árs 2011. Þá bjuggu hér 20.930 slíkir en í lok mars síðastliðins voru þeir 39.570. Á fyrstu þremur mánuðum ársins 2018 fjölgaði erlendum ríkisborgurum sem búa á Íslandi um 2.880 talsins, sem er langt umfram það sem háspá Hagstofunnar gerði ráð fyrir að þeim myndi fjölga. Ef fjölgunin verður jafn mikil á seinni þremur ársfjórðungum ársins mun erlendum ríkisborgurum á Íslandi fjölga um 11.520 í ár. Háspá Hagstofunnar gerði ráð fyrir 5.912 manna aukningu.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Útlendingamál
Segir Múlaþing ekki vera að útiloka flóttafólk frá öðrum ríkjum en Úkraínu
Hlutverk RÚV ekki „að mála opinbera embættismenn upp sem einhverjar grýlur“
„Í alvörunni vinna engar gribbur hjá Útlendingastofnun“
Segja stjórnarmeirihlutann stilla öryrkjum upp á móti útlendingum
Leggja til að fjölskyldur sem ekki var hægt að senda úr landi fái dvalarleyfi
Athugasemdir