Ég var búinn að setja 192 birkigræðlinga niður í hrjóstruga sandöxl skammt frá Heklurótum og brá mér inn í bíl til að fá mér vatnssopa. Sólin skein en það var nokkuð hvasst og ekki hlýtt í veðri. Ég fæ stundum svolítið samviskubit yfir því að vera að setja birkið niður þegar svo langt er komið fram á haust en af fenginni reynslu sýnist mér að haustbirkið lifi ekkert síður en það sem sett er niður á vorin eða sumrin.
Og þær plöntur sem eftir voru færu því óhikað niður í sandöxlina innan um hinar.
Ég kveikti á útvarpinu í bílnum meðan ég þjóraði vatn úr flösku, það voru fréttir og fréttamaðurinn las orðið „stjórnarmyndunarviðræður“. Nú, eitthvað að frétta af því? hugsaði ég annars hugar. Ég hef rekið mig á að þegar ég er að gróðursetja tré upp við Heklu finnst mér nýjustu fréttir skipta minna máli en ella.
…Veistu meira? Láttu okkur vita
Það tókst ekki að sækja formið. Reyndu aftur eftir augnablik.













































Athugasemdir