Lýsi boðið styrkur úr Tækniþróunarsjóði þrátt fyrir að fyrirtækið sé of stórt

Í síð­ustu vorút­hlutun Tækni­þró­un­ar­sjóðs var fyr­ir­tæk­inu Lýsi hf. boðið að ganga til samn­inga um styrk úr sjóðnum þrátt fyrir að skil­greind stærð fyr­ir­tæk­is­ins sam­ræm­ist ekki úthlut­un­ar­reglum sjóðs­ins. Ekki verður samið við fyr­ir­tækið um styrk vegna þessa. Þetta stað­festir Lýður Skúli Erlends­son, sér­fræð­ingur á rann­sókna- og nýsköp­un­ar­sviði, en hann leiðir nýsköp­un­arteymi sviðs­ins.

„Það virð­ist sem þessi umsókn hafi farið athuga­semd­ar­laust í gegnum form­kröfu­skoðun inn­an­dyra hjá okkur og ekki hafi komið fram athuga­semdir í mats­ferl­inu. Ekki er búið að ganga til samn­inga um verk­efnið ennþá og því engin styrkupp­hæð sem liggur fyrir. Þegar kemur að samn­inga­fundum er farið dýpra í rekstur fyr­ir­tæk­is­ins sem samið er við ásamt því að verk­efnið er skoðað út frá verk-, tíma- og kostn­að­ar­á­ætlun. Eftir það er ákveðið hver styrkupp­hæð verður,“ segir Lýður í svari við skrif­legri fyr­ir­spurn Kjarnans um styrk­veit­ing­una.

Að hans sögn eru allar líkur á að stærð fyr­ir­tæk­is­ins hefði komið upp við þá nán­ari grein­ingu sem unnin er áður en gengið er frá samn­ing um styrk. „Umsókn frá stóru fyr­ir­tæki á vissu­lega samt ekki að fara áfram í fullt mat og ætti að falla á form­kröfum,“ segir í svari Lýðs.

Fyrirtækið hvorki lítið né meðalstórt

Lýsi hf. hafði verið boðið að ganga til samn­inga um styrk úr Tækni­þró­un­ar­sjóði í flokknum Vöxtur vegna verk­efn­is­ins Lýsi og fríar fitu­sýrur gegn kór­óna­veirum og kvefi. Samkvæmt úthlut­un­ar­reglum Tækni­þró­un­ar­sjóðs er fyr­ir­tækja­styrkur í flokknum Vöxtur ætl­aður til að styrkja verk­efni sem komin eru af frum­stigi hug­myndar. Aðal­um­sækj­andi um slíkan styrk getur ein­göngu verið lítið eða með­al­stórt fyr­ir­tæki en ekki er gerð sam­bæri­leg krafa um stærð fyr­ir­tækis sem er með­um­sækj­andi um styrk.

Lýsi hf. fellur ekki undir þær skil­grein­ingar á litlum og með­al­stórum fyr­ir­tækjum sem Tækni­þró­un­ar­sjóður styður sig við. Í reglum sjóðs­ins er með­al­stórt fyr­ir­tæki skil­greint á eft­ir­far­andi hátt: „Fyr­ir­tæki sem er með á bil­inu 50-250 starfs­menn og er með árlega veltu undir 50 millj­ónum evra og/eða efna­hags­reikn­ing undir 43 millj­ónum evra sbr. I. við­auka reglu­gerðar fram­kvæmd­ar­stjórn­ar­innar (ESB) nr. 651/2014 frá 17. júní 2014.“

Í árs­reikn­ingi Lýsis hf. fyrir árið 2019 sem birtur var í ágúst í fyrra kemur fram að rekstr­ar­tekjur hafi numið rúmum 10 millj­örðum króna á árinu 2019. Eignir félags­ins sam­kvæmt efna­hags­reikn­ingi námu tæpum 12 millj­örðum króna. Þessar tölur eru því vel yfir þeim við­miðum sem sett eru í reglum Tækni­þró­un­ar­sjóðs. Fjöldi starfs­manna félags­ins er engu að síður innan marka, fjöldi árs­verka hjá Lýsi var 189 á árinu 2019.

907 milljónir í vorúthlutun

Fram kemur á heima­síðu Rannís að alls hafi 73 verk­efnum verið boðið að ganga til samn­inga um nýja styrki úr Tækni­þró­un­ar­sjóði í vorút­hlutun sjóðs­ins. Alls bár­ust 459 umsóknir til sjóðs­ins og árang­urs­hlut­fall styrktra verk­efna því 16 pró­sent. „Í þess­ari úthlutun eru styrk­veit­ingar til nýrra verk­efna 907 millj­ónir króna á þessu ári en þar sem verk­efnin eru til allt að þriggja ára nemur heild­ar­kostn­aður vegna þeirra 1.775 millj­ónum króna,“ segir um vorút­hlut­un­ina á heima­síðu Rannís.

Vorút­hlut­unin í ár er stærsta ein­staka úthlutun Tækni­þró­un­ar­sjóðs frá upp­hafi en fjár­fram­lög til sjóðs­ins hafa hækkað. Und­an­farið hafa fjár­fram­lög til sjóðs­ins verið um 2,3 millj­arðar króna en fjár­veit­ingar til sjóðs­ins á árinu 2021 voru hækk­aðar í 3,6 millj­arða í sam­ræmi við stefnu Vísinda- og tækni­ráðs sem sam­þykkt var á síð­asta ári.