Þessi þraut er helguð Paul McCartney sem heldur upp á áttræðisafmælið sitt í dag.
Fyrri aukaspurning:
Paul hefur vitanlega hitt fjöldann allan af frægu fólki gegnum tíðina. Hvað heitir konan sem hann hefur hitt hér?
***
Aðalspurningar:
1. Í hvaða borg fæddist Paul McCartney?
2. Í hvaða stjörnumerki er hann?
3. Samstarf þeirra John Lennons hófst þegar Lennon bauð honum að ganga í hljómsveitina: Beatles — Johnny and the Moondogs — The Silver Beatles — The Quarrymen?
4. Hvað af eftirtöldum Bítlalögum er EKKI eftir Paul McCartney: Hey Jude — Let It Be — Love Me Do — Lucy in the Sky With Diamonds — Penny Lane — Yesterday.
5. Paul var og er mjög fjölhæfur músíkant en hvað var hans aðal hljóðfæri í Bítlunum?
6. Á löngu tímabili var heldur illt á milli Pauls og konu eins af félögum hans í Bítlunum, en þau hafa fyrir löngu samið frið. Hver er sú kona?
7. Hvað hét hljómsveitin sem Paul stofnaði og rak eftir veru sína í Bítlunum?
8. Sú hljómsveit gaf út afar vinsæla plötu, líklega þá vinsælustu sem Paul hefur átt þátt í síðan á Bítladögunum. Platan heitir Band on the ... hvað?
9. Paul á fimm börn en kunnast þeirra er dóttirin Stella sem hefur getið sér gott orð sem ... hvað?
10. Paul hefur sungið dúetta með mörgum frægum stjörnum. En með hverjum af þessum fimm hefur hann EKKI gefið út sérstakan dúet: Elvis Costello — Michael Jackson — Elton John — Kanye West — Stevie Wonder?
Svo er hér í boði sérstakt lárviðarstig: Paul er seinna skírnarnafn afmælisbarnsins af tveimur, en hann hefur aldrei notað það fyrra. Hvaða nafn er það?
***
Seinni aukaspurning:
Hér má sjá umslagið af einni sólóplötu Pauls. Hvað heitir sú?
***
Svör við aðalspurningum:
1. Liverpool.
2. Tvíburunum.
3. The Quarrymen.
4. Lucy in the Sky With Diamonds.
5. Bassi.
6. Yoko Ono.
7. Wings.
8. Run.
9. Fatahönnuður.
10. Ótrúlegt nokk hefur Paul aldrei gefið út dúett með Elton John, þótt þeir munu hafa sungið Hey Jude saman á tónleikum.
Og svarið við lárviðarspurningunni:
Afmælisbarnið heitir fullu nafni James Paul McCartney.
***
Svör við aukaspurningum:
Á efri myndinni er Paul með Lindu Eastman sem varð konan hans.
Á neðri myndinni er umslagið utan um RAM.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir