Konum fjölgað í verkefnahóp um mótun kvikmyndastefnu

Mennta- og menn­ing­ar­mála­ráðu­neytið hefur til­kynnt hverjir skipa verk­efna­hóp á vegum ráðu­neyt­is­ins sem á að vinna að gerð kvik­mynda­stefnu stjórn­valda sem gilda á frá 2020-2030. WIFT, félag kvenna í kvik­myndum og sjón­varpi, sendu frá ályktun fyrr í vik­unni þar sem gagn­rýnt var að í hópnum væru aðeins tvær konur en sjö karlar. Félagið krafð­ist þess að helm­ingur verk­efna­hóps­ins yrði skip­aður konum og að í hópnum yrði að minnsta kosti ein kona sem starfi við kvik­mynda­gerð. Verk­efna­hópur ráðu­neyt­is­ins er nú skip­aður sex konum og sex körlum

Jöfn kynjahlutföll í hópnum

Í til­kynn­ingu ráðu­neyt­is­ins segir að verk­efna­hópur hafi verið skip­aður á vegum mennta- og menn­ing­ar­mála­ráðu­neyt­is­ins til þess að vinna að gerð kvik­mynda­stefnu sem gilda á frá 2020-2030. Þetta er í fyrsta sinn sem stjórn­völd móta heild­stæðu stefnu og aðgerða­á­ætlun á grunni hennar, sem nær yfir hlut kvik­mynda í menn­ingu þjóð­ar­innar, menntun í kvik­mynda­gerð á öllum skóla­stigum, miðlun íslensks kvik­mynda­efnis og stuðn­ing við fram­leiðslu kvik­mynda. Samkvæmt til­kynn­ing­unni mun hóp­ur­inn vinna náið með hags­muna­að­ilum í kvik­mynda­gerð á Íslandi við mótun stefn­unnar en ráð­gert er að hóp­ur­inn skili til­lögum sínum fyrir júní­lok á þessu ári.

[links]Kjarninn fjall­aði um ályktun WIFT í gær. Félagið gagn­rýndi það harð­lega að ekki hafði verið fylgt jafn­rétt­is­stefnu stjórn­valda við skipun hóps­ins. Auk þess gagn­rýndi félagið að hvorug þeirra kvenna sem skip­aður voru fyrst í hóp­inn störf­uðu við fag­ið. Því krafð­ist félagið að í verk­efna­hóp ráðu­neyt­is­ins væri að minnsta kosti ein kona sem starf­aði við kvik­mynda­gerð ­og að helm­ingur hóps­ins yrði skip­aður konum. Nú hefur hópur ráðu­neyt­is­ins verið stækk­aður úr níu manns í tólf og nú skipa konur helm­ing hóps­ins.

Verk­efna­hóp­inn skipa nú Dagur Kári Pét­urs­son, leik­stjóri og for­maður Samtaka kvik­mynda­leik­stjóra, Ása Helga Hjör­leifs­dóttir, leik­stjóri og félagi í WIFT, Áslaug María Frið­riks­dóttir, for­maður Kvik­mynda­ráðs, Baldur Sig­munds­son, sér­fræð­ingur í atvinnu­vega- og nýsköp­un­ar­ráðu­neyti, Einar Karl Birg­is­son, fram­kvæmda­stjóri, Friðrik Þór Frið­riks­son, kvik­mynda­leik­stjóri og full­trúi Kvik­mynda­ráðs, Fríða Björk Ingv­ars­dóttir, rektor Lista­há­skóla Íslands , Grímar Jónsson, fram­leið­andi, Hanna Katrín Frið­riks­son, alþing­is­maður, Jóna Páls­dóttir, sér­fræð­ingur í mennta- og menn­ing­ar­mála­ráðu­neytiKrist­inn Þórð­ar­son, for­maður Samtaka íslenskra kvik­mynda­fram­leið­enda og full­trúi Samtaka iðn­að­ar­ins og Margrét Örn­ólfs­dóttir, for­maður Félags leik­skálda og hand­rits­höf­unda