Ný reglugerð um aðgerðir innanlands mun taka gildi á fimmtudag og er hún samhljóða tillögum sem komu fram í minnisblaði Þórólfs Guðnasonar sóttvarnalæknis. Þetta sagði Svandís Svavarsdóttir heilbrigðisráðherra í samtali við Vísi eftir ríkisstjórnarfund í morgun. Hún sagði að „gegnumsneytt“ hafi verið mjög mikil samstaða um aðgerðirnar í ríkisstjórn.
Að því er fram kemur á Vísi munu nýjar aðgerðir taka gildi á miðnætti aðfaranótt fimmtudag og gilda í þrjár vikur. Helstu atriðin eru þau að tuttugu mega þá koma saman í stað tíu, sund- og líkamsræktarstaðir mega opna með 50 prósent af leyfilegum fjölda gesta og krár geta haft opið til kl. 21. Þá verða fjarlægðarreglur í skólum færðar niður úr tveimur metrum í einn. [adspot]
Helstu breytingar á almennum samkomutakmörkunum
Í tilkynningu frá heilbrigðisráðuneytinu er sagt frá helstu breytingum á almennum samkomutakmörkunum:
- Almennar fjöldatakmarkanir verða 20 manns.
- Sund- og baðstöðum og heilsu- og líkamsræktarstöðvum heimilt að opna fyrir 50% af leyfilegum hámarksfjölda gesta, auk annarra skilyrða.
- Íþróttaæfingar og -keppnir barna og fullorðinna með og án snertinga í öllum íþróttum heimilar, án áhorfenda. Hámarksfjöldi fullorðinna verður 50 manns en fjöldi barna fer eftir sömu takmörkunum og í skólastarfi.
- Skíðasvæðum heimilt að taka á móti 50% af hámarksfjölda móttökugetu hvers svæðis.
- Sviðlistir, þar með talið kórastarf, heimilar með allt að 50 manns á sviði og 100 sitjandi gestum í hverju hólfi, auk annarra skilyrða.
- Hámarksfjöldi við athafnir trú- og lífsskoðunarfélaga áfram 30 manns en fjölgar í 100 manns við útfarir.
- Öllum verslunum heimilt að taka á móti 5 viðskiptavinum á hverja 10 m², þó að hámarki 100 manns, auk 20 starfsmanna í sama rými og viðskiptavinir.
- Skemmtistöðum, krám, spilasölum og spilakössum heimilt að hafa opið með sömu skilyrðum og veitingastöðum þar sem heimilaðar eru áfengisveitingar.
- Verklegt ökunám og flugnám með kennara heimilt.
Reglurnar gilda um alla, óháð því hvort fólk er bólusett eða með mótefni.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Covid-19
Fleiri smitast af hinni banvænu Nipah-veiru
Heilbrigðisyfirvöld grípa til sóttkvíar eftir Nipah-smittilfelli á Indlandi
Veira dreifist hratt um Evrópu
Sérfræðingar vara við nýjum heimsfaraldri
Suður-Súdan glímir við versta kólerufaraldurinn í 20 ár
Athugasemdir