Heilbrigðiskrefið afskrifaði 36 milljónir vegna erlendra ferðamanna

Íslenskar heil­brigð­is­stofn­anir afskrif­uðu í fyrra alls rúm­lega 36 millj­ónir vegna ógreiddra reikn­inga erlendra ferða­manna eða þeirra sem þangað leita sem ekki eru sjúkra­tryggðir hér á landi . Sú fjár­hæð hefur hækkað um tæpar 13 millj­ónir frá árinu 2016 þegar afskrif­aðar voru rúm­lega 23 millj­ónir. Þetta kemur fram í svari heil­brigð­is­ráðu­neyt­is­ins við fyr­ir­spurn Kjarnans.

[links]Lang­hæstu kröf­urnar eru afskrif­aðar hjá Land­spít­al­anum. Þar voru afskrif­aðar árið 2017 rúmar 28 millj­ónir króna. Athygli vekur að í fyrra voru engar kröfur afskrif­aðar hjá Sjúkra­trygg­ingum Íslands, árin þar áður hljópu afskriftir á tugum þús­unda en á árunum 2008 til 2014 afskrif­aði SÍ tæp­lega fimm millj­ónir vegna ógreiddra reikn­inga. Bætt verk­lag hjá stofn­un­inni hefur gert það að verkum að tek­ist hefur að útrýma afskriftum hjá SÍ.

[adspot]Alls eru voru útistand­andi kröfur íslenskra heil­brigð­is­stofn­ana rúmar 300 millj­ónir árið 2017 vegna ógreiddra reikn­inga erlendra ferða­manna. Þar vega afskriftir Land­spít­al­ans enn þyngst, þar sem tæp­lega 286 millj­ónir voru ógreiddar í fyrra. Árið 2016 voru það rúmar 90 millj­ónir en árið 2015 tæpar 56 millj­ónir. Ógreiddar kröfur Land­spít­al­ans hafa því auk­ist umtals­vert á tveimur árum.

Heil­brigð­is­stofn­anir sjá yfir­leitt sjálfar um inn­heimtu sjúkra­kostn­aðar. Sem dæmi um ferli inn­heimtu er hjá Land­spít­al­anum lögð mikil áhersla á stað­greiðslu komu­gjalda á bráða-, dag- og göngu­deildir spít­al­ans. Hlutfall stað­greiddra krafna er nokkuð mis­jafnt eftir deildum, en að meðal tali er það 80 pró­sent. Ef ekki er stað­greitt er krafa stofnuð í net­banka og greiðslu­seð­ill sendur í pósti. Áminn­ing­ar­bréf er sent 10 dögum eftir eindaga, sem er 30 dagar, og ítrek­un­ar­bréf 45 dögum eftir eindaga. Ef ekki er greitt innan þess tíma er krafan send í lög­fræði­inn­heimtu.